తెలంగాణలో ఉరుములు, మెరుపులతో కూడిన వర్షాలు!
By - TV5 Telugu |2 Aug 2020 2:48 PM GMT
తెలంగాణలో ఉరుములు, మెరుపులతో కూడిన వర్షాలు కురుస్తాయని హైదరాబాద్ వాతావరణ కేంద్రం తెలిపింది. దక్షిణ కోస్తాంధ్ర, ఉత్తర తమిళనాడు ప్రాంతాల్లో 3.1 కిలోమీటర్ల నుంచి 5.8 కిలోమీటర్ల ఎత్తువరకు ఉపరితల ఆవర్తనం కొనసాగుతుంది. ఈ ప్రభావంతో రాష్ట్రంలోని పలు చోట్ల ఆది, సోమవారాల్లో ఉరుములు, మెరుపులతో కూడిన తేలికపాటి నుంచి ఓ మోస్తరు వర్షాలు కురుస్తాయని హైదరాబాద్ వాతావరణ కేంద్రం తెలిపింది. మరోవైపు, శుక్రవారం ఉదయం నుంచి శనివారం ఉదయం వరకు రాష్ట్రంలో పలు ప్రాంతాల్లో వర్షం పడింది. గ్రేటర్ హైదరాబాద్ పరిధిలో చాలా చోట్ల శనివారం భారీ వర్షం కురిసింది.
Next Story
© Copyright 2024 : tv5news.in. All Rights Reserved. Powered by hocalwire.com