Nitish Bharadwaj : విడిపోయిన భార్య స్మితా ఘాటేపై ఫిర్యాదు
ప్రముఖ టీవీ షో 'మహాభారతం'లో శ్రీకృష్ణుడి పాత్ర పోషించిన నితీష్ భరద్వాజ్, మధ్యప్రదేశ్ కేడర్‌కు చెందిన ఐఏఎస్ అధికారిపై ఫిర్యాదు చేస్తూ భోపాల్ పోలీస్ కమిషనర్ హరి నారాయణచారి మిశ్రాకు మెయిల్ ద్వారా లేఖ రాశారు. నితీష్ భరద్వాజ్ మరియు అతని భార్య మధ్య ఇప్పటికే కుటుంబ న్యాయస్థానంలో ఒక కేసు పెండింగ్‌లో ఉంది. 2009లో మధ్యప్రదేశ్ కేడర్‌ ఐఏఎస్ అధికారిణి స్మితా భరద్వాజ్‌తో వివాహమైన తర్వాత తనకు దాదాపు 11 ఏళ్ల వయసున్న కవల కుమార్తెలు ఉన్నారని, అయితే ఇప్పుడు తనను కలవడానికి అనుమతించడం లేదని పోలీసు కమిషనర్‌కు లేఖ రాశాడు.
నితీష్ భరద్వాజ్ తన ఫిర్యాదులో, తన భార్య తన కుమార్తెలను కలవడానికి అనుమతించడం లేదని, అయితే తన కుమార్తెలను కలవడానికి కుటుంబ న్యాయస్థానం అనుమతించిందని, అతను తన కుమార్తెలతో 4 సంవత్సరాలు కూడా మాట్లాడలేదని తెలిపారు. తన భార్య తనకు తెలియజేయకుండా బోర్డింగ్ స్కూల్ నుండి బాలికలను తొలగించి వారిని తెలియని ప్రదేశానికి పంపిందని అతను పేర్కొన్నాడు. భోపాల్ పోలీస్ కమిషనర్ ఇప్పుడు ఈ హై ప్రొఫైల్ కేసు దర్యాప్తును అదనపు సీపీ జోన్ 3 షాలినీ దీక్షిత్‌కు అప్పగించారు. ఇక నితీష్ భార్య స్మితా ఘటే భరద్వాజ్ సంక్షేమ శాఖలో అదనపు కార్యదర్శిగా ఉన్నారు.
'మహాభారతం' సీరియల్‌లో శ్రీకృష్ణుడి పాత్ర కారణంగా నితీష్ భరద్వాజ్‌కు మంచి గుర్తింపు వచ్చింది. అతను 1996లో జంషెడ్‌పూర్ స్థానం నుంచి లోక్‌సభ ఎన్నికల్లో పోటీ చేసి గెలిచాడు కానీ 1999లో మధ్యప్రదేశ్‌లోని రాజ్‌గఢ్ లోక్‌సభ స్థానం నుంచి ఎన్నికల్లో పోటీ చేసి ఓటమిని చవిచూడాల్సి వచ్చింది.
