'OMG 2' Success : సక్సెస్ సెలబ్రేషన్స్.. ఎగ్జిబిటర్లకు అక్షయ్ కుమార్ విందు

ఆగస్టు 11న 'ఓ మై గాడ్(OMG 2)', 'గదర్ 2' రెండూ ఒకేరోజు థియేటర్లలో విడుదలయ్యాయి. ప్రస్తుతం ఈ రెండు సినిమాలూ బాక్సాఫీస్ వద్ద మంచి వసూళ్లను రాబడుతున్నాయి. సన్నీ డియోల్ సినిమా ఇందులో పైచేయి సాధించినట్లు కనిపిస్తుండగా, అక్షయ్ కుమార్ సినిమా కూడా బాగానే ఆడుతోంది. స్వాతంత్ర్య దినోత్సవం సందర్భంగా 'ఓ మై గాడ్ 2' చిత్రం భారీ జంప్‌ను చూసింది. రూ. 73.67 కోట్లు వసూలు చేసింది. ఇప్పుడు ఈ సినిమా రూ. 100 కోట్ల మార్కుకు చేరువలో ఉంది. ఈ సినిమా విజయంతో ఆగస్టు 16న ఎగ్జిబిటర్లకు విందు ఇవ్వాలని అక్షయ్ నిర్ణయించుకున్నట్టు వార్తలు వినిపిస్తున్నాయి.

ఎగ్జిబిటర్ల కోసం డిన్నర్‌

'OMG 2' సినిమాను భారీ స్థాయిలో ప్రేక్షకులను థియేటర్‌లకు రప్పిస్తుండడంతో... ఆగస్టు 16న అక్షయ్ కుమార్ ఫిల్మ్ ఎగ్జిబిటర్లకు ప్రత్యేక విందును ఇవ్వనున్నట్టు కథనాలు వస్తున్నాయి. 'OMG 2' విజయాన్ని ప్రజలతో కలిసి జరుపుకోవాలని అక్షయ్ నిర్ణయించుకున్నట్లు తెలుస్తోంది. కోవిడ్-ప్రేరిత లాక్‌డౌన్ కారణంగా ప్రేక్షకులు థియేటర్‌లకు వెళ్లడానికి చాలా సంకోచించారు. దీని వల్ల పరిశ్రమలో అత్యంత ప్రభావితమైన వారు వారే కావడంతో అక్షయ్ ఈ నిర్ణయం తీసుకున్నట్టు సమాచారం. ఈ నేపథ్యంలో విందుకు సింగిల్ స్క్రీన్‌తో పాటు మల్టీప్లెక్స్‌ల నుంచి ఎగ్జిబిటర్లను ఆహ్వానించినట్టు తెలుస్తోంది. లాక్డౌన్ సమయంలో వారు చాలా ఇబ్బందులు పడ్డారు. ఇప్పుడు, చివరకు, ప్రజలు మళ్లీ థియేటర్లకు వెళ్లే ట్రెండ్ ప్రారంభమైంది. కాబట్టి ఇప్పుడు కాస్త కుదుటపడ్డారు.

'ఓహ్ మై గాడ్ 2' గురించి

అమిత్ రాయ్ దర్శకత్వం వహించిన ఈ చిత్రంలో అక్షయ్ కుమార్ శివుని అవతారంలో కనిపించాడు. 'OMG 2'లో యామీ గౌతమ్, పంకజ్ త్రిపాఠి, రామాయణం ఫేమ్ అరుణ్ గోవిల్ కూడా కనిపించారు. వ్యంగ్య హాస్య-నాటకం 2012 హిట్ చిత్రం 'OMG- ఓహ్ మై గాడ్'కి సీక్వెల్ గా 'ఓ మై గాడ్ 2'ను రూపొందించారు. కేప్ ఆఫ్ గుడ్ ఫిల్మ్స్, అశ్విన్ వార్దే, విపుల్ డి షా, రాజేష్ బహల్ ఈ చిత్రాన్ని నిర్మించారు. డాక్టర్ చంద్రప్రకాష్ దివేడి ఈ చిత్రానికి క్రియేటివ్ ప్రొడ్యూసర్. ఈ చిత్రానికి సినిమాటోగ్రఫీ: అమలేందు చౌదరి.