Gandivadhari Arjuna Pre - Release : ప్రీరిలీజ్ డేట్, ప్లేస్ పై క్లారిటీ..!
మెగా ప్రిన్స్ వరుణ్ తేజ్, సాక్షి వైద్య జంటగా నటిస్తోన్న 'గాండీవధారి అర్జున' ప్రీరిలీజ్ డేట్ కోసం ఎదురుచూస్తోన్న అభిమానులకు మేకర్స్ గుడ్ న్యూస్ చెప్పారు. ఈ ఈవెంట్ ను ఆగస్టు 21న హైదరాబాద్ లోని జె ఆర్ సి కన్వెన్షన్ హాల్ లో జరగనున్నట్టుగా ఫిక్స్ చేశారు. సాయంత్రం 6 గంటల సమయం నుంచి స్టార్ట్ కానుందని కూడా వెల్లడించారు. టాలీవుడ్ టాలెంటెడ్ ఫిల్మ్ మేకర్ ప్రవీణ్ సత్తారు తెరకెక్కించిన ఈ లేటెస్ట్ సాలిడ్ యాక్షన్ డ్రామా ఇప్పటికే టీజర్, ఫస్ట్ లుక్ లతో మంచి ఆసక్తి రేకెత్తింది. అంతే కాదు ఈ మూవీ ట్రైలర్ తో కూడా మంచి బజ్ ని క్రియేట్ చేసింది. ఇక ఈ సినిమా రిలీజ్ కి దగ్గర పడుతున్న ఈ సమయంలో మేకర్స్ ఈ చిత్రం ప్రీ రిలీజ్ కి డేట్ అండ్ వేదికని ఇప్పుడు అనౌన్స్ చేశారు.
అయితే 'గాండీవధారి అర్జున' చిత్ర ప్రీరిలీజ్ ఈవెంట్ కు గెస్ట్ గా ఎవరు వస్తారు అనేది మాత్రం రివీల్ కావాల్సి ఉంది. ఈ చిత్రానికి మిక్కీ జే మేయర్ సంగీతం అందించగా వరుస హిట్స్ తో దూసుకెళ్తున్న ప్రముఖ నిర్మాణ సంస్థ శ్రీ వెంకటేశ్వర సినీ చిత్రం వారు ఈ సినిమాను నిర్మిస్తున్నారు. జీ ముకేశ్ ఈ చిత్రానికి సినిమాటోగ్రఫీ చేశారు. ధర్మేంద్ర కాకరాల ఎడిటింగ్ చేశారు.
భారీ యాక్షన్ ఎంటర్టైనర్ జోనర్లో ఈ సినిమా నిర్మితమైంది. ఈ నెల 25వ తేదీన ఈ సినిమాను విడుదల కానుండగా.. రీసెంట్ గా గాండీవధారి అర్జున సెన్సార్ కార్యక్రమాలను పూర్తిచేసుకున్నట్టు మేకర్స్ వెల్లడించారు. సెన్సార్ బోర్డు ఈ సినిమాకి U/A సర్టిఫికేట్ ను మంజూరు చేసినట్టు తెలిపారు. ఇక 'ఏజెంట్' సినిమాతో టాలీవుడ్ కి ఎంట్రీ ఇచ్చిన 'సాక్షి వైద్య' ఈ సినిమాలో కథానాయికగా నటించింది. ఈ సినిమాలో ఆమె గ్లామరస్ గా కనిపించడమే కాదు .. భారీ యాక్షన్ దృశ్యాలలో పాల్గొనడం విశేషం. ఎక్కువగా విదేశాల్లో చిత్రీకరణ జరుపుకున్న ఈ సినిమాలోని పాటలు కూడా ఇప్పుడు సందడి చేస్తున్నారు. మిక్కీ జె మేయర్ సంగీతాన్ని సమకూర్చిన ఈ సినిమాకు మరి థియేటర్లలో ఏ తరహా రెస్పాన్స్ ను అందుకుంటుందో వేచి చూడాలి.
