Hi Nanna: ఫస్ట్ లిరికల్ వీడియో రిలీజ్ కు ముహూర్తం ఖరారు

'దసరా' తర్వాత హీరో నానీ 'హాయ్ నాన్న' సినిమాతో వస్తోన్న సంగతి తెలిసిందే. ప్రస్తుతం పోస్టు ప్రొడక్షన్ పనులు జరుపుకుంటున్న ఈ మూవీకి ఇప్పటికే ప్రమోషనల్ కార్యక్రమాలను మొదలయ్యాయి. అయితే తాజాగా ఈ మూవీ మ్యూజిక్ మ్యాజిక్ చేయబోతోందని నాని రీసెంట్ గా సోషల్ మీడియాలో ఓ పోస్టు పెట్టాడు. అంతేకాదు, చిన్న వీడియోను కూడా రిలీజ్ చేశాడు. ఇందులో హీరోయిన్ మృణాల్ ఠాకూర్, బ్యాగ్రౌండ్ లో సముద్రపు అలలు కనిపించాయి. దాంతో పాటు త్వరలోనే మ్యూజిక్ ప్రారంభం అవుతుందంటూ తెరమీద కనిపించింది. తాజాగా ఈ సినిమాకు సంబంధించి తొలి లిరికల్ వీడియోను విడుదల చేయబోతున్నట్లు మేకర్స్ ప్రకటించారు.

‘సమయమే’ అంటూ సాగే ఈ సాంగ్ ను సెప్టెంబర్ 18న విడుదల చేయనున్నట్టు మేకర్స్ వెల్లడించారు. ఈ క్రమంలోనే నాని ఓ పోస్టర్ ను కూడా షేర్ చేశారు. హాయ్.. సెప్టెంబర్ 18, ఫాల్ ఇన్ లవ్’ అనే క్యాప్షన్ తో దీన్ని పంచుకున్నాడు. ప్రస్తుతం ఈ పోస్టర్ సినీ ప్రేమికులను విపరీతంగా ఆకర్షిస్తోంది. ఇక ఈ సినిమాకు డైరెక్టర్ శౌర్యవ్ దర్శకత్వం వహిస్తుండగా.. మలయాళీ సంగీత దర్శకుడు హీషమ్ అబ్దుల్ మ్యూజిక్ అందిస్తున్నారు.

ఈ సినిమా నుంచి ఇప్పటికే రిలీజైన ఫస్ట్ గ్లింప్స్‌ కు మంచి రెస్పాన్స్‌ వచ్చింది. అయితే ఈ సినిమాకు సంబంధించిన ఆడియో రైట్స్ ను టీ సిరీస్ దక్కించుకున్నట్లు తెలుస్తోంది. అన్ని భాషల్లో ఆడియో రైట్స్ కోసం రూ. 9 కోట్లతో డీల్ చేసుకున్నట్లు తెలుస్తోంది. ఇక ఇక ఈ సినిమాను మోహన్ చెరుకూరి, డాక్టర్ విజేందర్ రెడ్డి తీగల కలిసి వైరా ఎంటర్‌టైన్మెంట్స్ బ్యానర్ లో నిర్మిస్తున్నారు.

ఈ సినిమాలో నాని సరసన మృణాల్ ఠాకూర్ హీరోయిన్ గా నటిస్తుండగా, నాని కూతురిగా బేబి కైరా ఖన్నా కనిపించనుంది. ఇందులో శృతి హాసన్ కూడా ఓ ముఖ్యమైన పాత్రలో కనిపించబోతోంది. సాను జాన్ వర్గీస్ సినిమాటోగ్రాఫర్ గా వ్యవహరిస్తున్నారు. ఈసినిమాను డిసెంబర్ 21న ప్రపంచ వ్యాప్తంగా పలు భాషల్లో విడుదల చేసేందుకు మేకర్స్ ప్లాన్ చేస్తున్నారు.

𝐇𝐢……
September 16th…
Fall in love ♥️#Samayama #SaayaTera #Nizhaliyae #Vivarane #Hridayame #HiNanna pic.twitter.com/S43Kd0uWZM

— Nani (@NameisNani) September 14, 2023