Khalnayak 2 : 'ఖల్నాయక్ 2'లో సంజయ్.. క్లారిటీ ఇచ్చిన నిర్మాత

బాలీవుడ్ హీరో సంజయ్ దత్, మాధురీ దీక్షిత్, జాకీ ష్రాఫ్ నటించిన 'ఖల్నాయక్' ఆగస్టులో విడుదలై నేటితో 30 సంవత్సరాలు పూర్తి చేసుకుంది. ఈ వేడుకను పురస్కరించుకుని చిత్రనిర్మాత సుభాష్ ఘాయ్ సినిమాని మళ్లీ విడుదల చేస్తున్నట్లు ప్రకటించారు. దాదాపు 100 స్క్రీన్‌లలో ఈ మూవీని ప్రదర్శించనున్నట్టు తెలిపారు. సెప్టెంబర్ 4న మరో సారి థియేటర్లలో విడుదల చేయనున్నట్టు వెల్లడించారు. దాంతో పాటు సుభాష్.. ఖల్నాయక్ సీక్వెల్ పైనా క్లారిటీ ఇచ్చారు. ఈ మూవీ కోసం సంజయ్ దత్‌ను ఖరారు చేసినట్లు ఇప్పటికే అనేక మీడియా నివేదికలు చెప్పగా.. అవన్నీ కేవలం ప్రచారాలే అని చెప్పారు.

సుభాష్ ఘాయ్.. తన చిత్రం 'ఖల్నాయక్ 2' తారాగణం గురించి అన్ని పుకార్లను కొట్టిపారేశాడు. దాంతో పాటు ఆయన సంజయ్ దత్ త్రోబాక్ చిత్రాన్ని పోస్ట్ చేశాడు. "మీడియా విభాగంలో నివేదించినట్లుగా, ముక్తా ఆర్ట్స్ ఎటువంటి సంతకం చేయలేదని నేను స్పష్టం చేస్తున్నాను. ఖల్నాయక్ 2 కోసం సంజయ్.. మేము గత మూడు సంవత్సరాలుగా దాని స్క్రిప్ట్‌పై ఎటువంటి తక్షణ ప్రణాళిక లేకుండా పని చేస్తున్నాము. ఇప్పుడు మేము సెప్టెంబర్ 4న ముంబైలో 'ఖల్నాయక్; 30 సంవత్సరాల వేడుకను జరుపుకుంటున్నాము అని ఆయన స్పష్టం చేశారు.

సంజయ్ దత్, మాధురీ దీక్షిత్, జాకీ ష్రాఫ్ నటించిన 'ఖల్నాయక్' ఆగస్టు 6న 30వ వార్షికోత్సవాన్ని జరుపుకుంది. ఈ విజయాన్ని గుర్తుచేసుకోవడానికి నిర్మాతలు సెప్టెంబర్ 4న సినిమాను థియేటర్లలో విడుదల చేయాలని ఎంచుకున్నారు. సెప్టెంబర్ 4న, ముక్తా ఆర్ట్స్, రేడియో నాషా ముంబైలో సినిమా నటీనటుల భాగస్వామ్యంతో ప్రీమియర్‌ను నిర్వహిస్తాయి. ఈ సంవత్సరం జూన్‌లో, సంజయ్ దత్ ఇన్‌స్టాగ్రామ్‌లో ఘాయ్‌ను ప్రశంసించడం ద్వారా ఖల్నాయక్‌కు 30 ఏళ్లు నిండిన సందర్భంగా ముందుగానే జరుపుకున్నాడు.

"భారతీయ తెరపై గొప్ప దర్శకుల్లో ఒకరైన సుభాష్జీని, పరిపూర్ణ రామ్‌గా నిలిచిన జాకీ దాదా, గంగ పాత్రలో మాధురి.. ఖల్నాయక్ లో మొత్తం తారాగణం, సిబ్బందిని నేను అభినందించాలనుకుంటున్నాను. అందరికీ కృతజ్ఞతలు. నిజానికి నేను చాలా గర్వపడుతున్నాను. అటువంటి ఐకానిక్ ఫిల్మ్‌లో భాగమైనందుకు. ఈ సినిమా రిలీజై 30 ఏళ్లు అయినప్పటికీ ఇది నిన్న తీసిన చిత్రంలా కనిపిస్తోంది, ఈ చిత్రాన్ని రూపొందించినందుకు సుభాష్‌జీ, ముక్తా ఆర్ట్స్‌కి ధన్యవాదాలు. నేను ఇందులో భాగమైనందుకు, మరోసారి ధన్యవాదాలు. ఖల్‌నాయక్‌ను క్లాసిక్‌గా మార్చిన అభిమానులందరికీ ధన్యవాదాలు" అని సంజయ్ అప్పట్లో పోస్టులో పేర్కొన్నాడు.

As reported in section of media let me clarify that mukta arts has not signed any actor for khalnayak 2 tho we have been working on its script for last three years with no immediate plan to go on floor.
As now we r celebrating 30 years of khanayak with stars on 4th sept 🕺🏽 pic.twitter.com/Q8KBbpMddD

— Subhash Ghai (@SubhashGhai1) August 24, 2023