Urvashi Rautela : స్టేడియంలో 24క్యారెట్ల గోల్డ్ ఐఫోన్ పోగొట్టుకున్న బాలీవుడ్ నటి
'గ్రేట్ గ్రాండ్ మస్తీ'కి పేరుగాంచిన నటి ఊర్వశి రౌతేలా, చివరిసారిగా తెలుగు చిత్రం 'ఏజెంట్'లో ప్రత్యేక ప్రదర్శనలో కనిపించింది. ఇటీవల ప్రస్తుతం జరుగుతున్న ICC ప్రపంచకప్‌లో భాగంగా అహ్మదాబాద్‌లో జరిగిన హై-వోల్టేజ్ ఇండియా-పాకిస్తాన్ మ్యాచ్‌లో తన మొబైల్ ఫోన్‌ను కోల్పోయింది. ఈ విషయాన్ని ఆమె సోషల్ మీడియా ద్వారా వెల్లడించింది. స్టేడియంలో తన 24 క్యారెట్ల నిజమైన బంగారు ఐఫోన్ ను పోగొట్టుకున్నట్లు ఆమె పంచుకుంది.
ఈ మ్యాచ్ లో టీమ్ ఇండియా గెలిచింది., కానీ ఊర్వశి మాత్రం మ్యాచ్ జరిగిన గంటల తర్వాత బాధలో కూరుకుపోయింది. అక్టోబర్ 15న తెల్లవారుజామున 1 గంటలకు పోలీసులకు అధికారిక ఫిర్యాదును నమోదు చేసింది. ఆదివారం మధ్యాహ్నం, ఆమె తన ఎక్స్‌ ఖాతాలో ఈ పోస్టుతో నెటిజన్ల నుండి సహాయం కోరుతూ ఒక ట్వీట్‌ను ఉంచింది. ఆమె పోగొట్టుకున్న ఫోన్ ఫిర్యాదుకు సంబంధించిన అధికారిక పత్రం చిత్రాన్ని కూడా జత చేసింది.
ఈ దురదృష్టకర సంఘటనను వివరిస్తూ, “అహ్మదాబాద్‌లోని నరేంద్ర మోడీ స్టేడియంలో నా 24 క్యారెట్ల నిజమైన బంగారు ఐఫోన్‌ను పోగొట్టుకున్నాను. ఎవరికైనా అది దొరికితే దయచేసి సహాయం చేయండి. వీలైనంత తొందరగా నన్ను సంప్రదించండి" అని కోరింది.
ఊర్వశి రౌతేలా చేసిన ఈ పోస్టుపై చాలా మంది నెటిజన్లు కామెంట్లతో తమ అభిప్రాయాలను వ్యక్తం చేశారు. ట్వీట్ కింద అనేక ప్రతిస్పందనలను ఉంచారు. కొందరు ఆమెపై ఎగతాళి చేయగా, మరికొందరు మాత్రం ఆమె ఫోన్ కోల్పోవడంపై సానుభూతిని వ్యక్తం చేస్తూ.. ఆమె మద్దతుగా నిలిచారు.
📱 Lost my 24 carat real gold i phone at Narendra Modi Stadium, Ahmedabad! 🏟️ If anyone comes across it, please help. Contact me ASAP! 🙏 #LostPhone #AhmedabadStadium #HelpNeeded #indvspak@modistadium @ahmedabadpolice
— URVASHI RAUTELA🇮🇳 (@UrvashiRautela) October 15, 2023
Tag someone who can help pic.twitter.com/2OsrSwBuba
