డీజేలో పాటకి తాత చిందులు.. కర్రతో వచ్చిన బామ్మ!

సోషల్ మీడియాలో చాలా యాక్టివ్ గా ఉంటూ తరుచూ ఆసక్తికరమైన విషయాలను పంచుకుంటూ ఉంటారు భారత మాజీ క్రికెటర్ వీరేంద్ర సెహ్వాగ్... తాజాగా ఈ డాషింగ్ బ్యాట్స్ మెన్ పంచుకున్న ఓ వీడియో సోషల్ మీడియాలో తెగ నవ్వులు పూయిస్తుంది. ఇంతకీ ఆ వీడియోలో ఏం ఉందంటే.. ఓ పెళ్లి వేడుకలో భాగంగా ఓ తాత డీజేలో వస్తున్న పాటకు కుర్రాళ్లతో సమానంగా చిందేలేస్తుంటాడు.

అయితే కొద్దిసేపటికి ఆ తాత దగ్గరికి అతని భార్య కర్రతో వస్తుంది. అప్పటివరకు ఫుల్‌ జోష్‌తో డ్యాన్స్ చేస్తున్న ఆ తాత.. ఆ బామ్మను చూడగానే అక్కడినుంచి పారిపోతాడు. ఈ వీడియోని వీరూ తన ఇన్‌స్ట్రాగ్రామ్‌లో షేర్ చేయగా ఫుల్ వైరల్ గా మారింది. ఈ వీడియోకి వీరు అదిరిపోయే క్యాప్షన్ కూడా ఇచ్చాడు. 'వయసు తాత్కాలికం.. కానీ భార్య చేతి కర్ర మాత్రం శాశ్వతం' అని రాసుకొచ్చాడు.