సచిన్.. ఈ కరోనాను కూడా నువ్వు సిక్సర్‌‌‌గా బాదేస్తావ్..!
క్రికెట్ దిగ్గజం మాస్టర్ బ్లాస్టర్ సచిన్ టెండూల్కర్‌కి కరోనా సోకిన సంగతి తెలిసిందే.. ఇటీవల జరిగిన పరీక్షలో ఆయనకీ కరోనా పాజిటివ్‌‌గా తేలింది. వైద్యుల సలహా మేరకు ఆసుపత్రిలో చికిత్స పొందుతున్నారు. ఈ నేపధ్యంలో సచిన్ త్వరగా కోలుకోవాలని అభిమానులు, సెలబ్రిటీలు కోరుకుంటున్నారు. అందులో భాగంగానే పాక్ పేస్ లెజెండ్ వసీం అక్రమ్ ట్విట్టర్ వేదికగా స్పందించారు. కరోనా వైరస్‌‌ను కూడా సిక్సర్ కొట్టాలని చమత్కరించారు అక్రమ్.. ఈ మేరకు ట్విట్టర్‌‌లో ఓ సందేశాన్ని పంపారు అక్రమ్.
16 ఏళ్ల వయసులో తొలి టెస్టు ఆడుతూ ప్రపంచ మేటి బౌలర్లను ఎంతో తెగువతో ఎదుర్కొన్నావు. ఇప్పుడు ఈ కరోనాను కూడా సిక్సర్ బాదేస్తావని అనుకుంటున్నాను. త్వరగా కోలుకో మాస్టర్. ప్రస్తుతం ఆసుపత్రిలో ఉన్నావు కాబట్టి అక్కడి స్టాఫ్, డాక్టర్లతో కలిసి 2011 వరల్డ్ కప్ వార్షికోత్సవ వేడుకలు జరుపుకుని నాకో ఫొటో పంపించు.. " అని వసీం అక్రమ్ ట్వీట్ చేశాడు. కాగా 2011 వరల్డ్ కప్ ను గెలిచి పదేళ్లయిన సందర్భంగా భారత క్రికెట్ వర్గాలు వేడుకలు జరుపుకుంటున్నాయి.
