కట్నం కోసం కవల సోదరుడనని కట్టు కథ చెప్పి రెండో పెళ్లికి..

పెళ్లై భార్యా బిడ్డలున్నారు. అయినా అదేం పొయ్యేకాలమో.. మరొకామె మీద మనసు పారేసుకున్నాడు. ఆమెనీ పెళ్లి చేసుకోడానికి రెడీ అయ్యాడు.

కట్నం కోసం కవల సోదరుడనని కట్టు కథ చెప్పి రెండో పెళ్లికి..
X

పెళ్లై భార్యా బిడ్డలున్నారు. అయినా అదేం పొయ్యేకాలమో.. మరొకామె మీద మనసు పారేసుకున్నాడు. ఆమెనీ పెళ్లి చేసుకోడానికి రెడీ అయ్యాడు. ఈ ఘటన చెన్నైలో జరిగింది. 30 ఏళ్ల వ్యక్తి తన మొదటి పెళ్లిని తన 'కాబోయే భార్య' నుండి దాచడానికి కవల సోదరుల కథను ఎంచుకున్నాడు. నిందితుడు వాలెండర్ బెన్నెట్ ర్యాన్ గా గుర్తించబడ్డాడు. అప్పటికే అతడికి వివాహం జరిగి ఓ బిడ్డ కూడా ఉంది.

ర్యాన్‌తో నిశ్చితార్థం చేసుకున్న మహిళ ఫిర్యాదు తర్వాత, తమిళనాడులోని చెన్నై పోలీసులు నిందితుడి కోసం గాలింపు ప్రారంభించారు. మహిళ వైపు నుండి విచారణలో, ర్యాన్ తన మొదటి వివాహాన్ని ఉద్దేశపూర్వకంగా దాచిపెట్టి, ఆమెతో నిశ్చితార్థం చేసుకుని ఆమె కుటుంబం నుండి రూ. 3.5 లక్షలు కట్నం తీసుకున్నట్లు తేలింది.

అరుంబక్కం నివాసి అయిన రియాన్ 21 ఏళ్ల సహోద్యోగితో స్నేహం చేశాడు. ఇద్దరూ జీవితాన్ని పంచుకోవాలనుకున్నారు. నిశ్చితార్థం కూడా పూర్తయింది. అయితే, నిందితుడు తనకు వివాహమై భార్య, బిడ్డ ఉన్న విషయాన్ని ఆ మహిళకు చెప్పలేదు.

రియాన్ స్నేహితుడు అతడి మొదటి వివాహం గురించి ఆ మహిళకు చెప్పినప్పుడు ఆమె షాకయ్యింది. వెంటనే ఆమె అతడిని కలిసి ఇదే విషయమై నిలదీసింది. రియాన్ ఏ మాత్రం తడబడకుండా తనకి ఓ కవల సోదరుడు ఉన్నాడని వాడి గురించి చెప్పి ఉంటాడని ఆమెతో చెప్పాడు. కావాలంటే చూడు అని నకిలీ సాక్ష్యాలు కూడా చూపించాడు.

నకిలీ ఓటర్ ఐడి, ఆధార్ కార్డ్ మరియు తన 'కవల' సోదరుడి జనన ధృవీకరణ పత్రాన్ని కూడా మహిళకు చూపించి ఆమెను ఒప్పించే ప్రయత్నం చేశాడు. తన సోదరుడు వివాహం చేసుకుని దుబాయ్‌లో స్థిరపడినట్లు అతడు తన కాబోయే భార్యకు చెప్పాడు.

మహిళ యొక్క బంధువు కూడా ర్యాన్ మొదటి వివాహం గురించి ఆమె కుటుంబానికి తెలియజేయడంతో నిందితుడిపై అనుమానం రెట్టింపైంది. దీంతో మనస్తాపానికి గురైన ఆ మహిళ తన తల్లిదండ్రులు కట్నంగా ఇచ్చిన మొత్తాన్ని తిరిగి ఇవ్వమని డిమాండ్ చేసింది. కానీ ర్యాన్ యాసిడ్‌తో దాడి చేస్తానని ఆమెని బెదిరించాడు. దీంతో మహిళ కుటుంబసభ్యులు పోలీస్ స్టేషన్‌లో రియాన్‌పై ఫిర్యాదు చేశారు.

Next Story

RELATED STORIES