khajoor: ఖర్జూర్ లో కనిపించని పోషకాలెన్నో.. బరువు పెరగాలనుకుంటే..

khajoor: ఖర్జూర్ లో కనిపించని పోషకాలెన్నో.. బరువు పెరగాలనుకుంటే..
తీపిదనంతో నిండిన అనేక పోషకాల సమాహారం. ఖర్జూర్ లో విటమిన్లు, ప్రోటీన్, ఫైబర్, కార్బోహైడ్రేట్లు, చక్కెరలు పుష్కలంగా ఉన్నాయి.

khajoor: ఆయుర్వేదం ప్రకారం, ఖర్జూర్‌కు బహుళ ప్రయోజనాలు ఉన్నాయి. తీపిదనంతో నిండిన అనేక పోషకాల సమాహారం. ఖర్జూర్ లో విటమిన్లు, ప్రోటీన్, ఫైబర్, కార్బోహైడ్రేట్లు, చక్కెరలు పుష్కలంగా ఉన్నాయి.

అందుకే ఉపవాసంలో ఉన్న శరీరం నీరసించకుండా ఉండేందుకు ఖర్జూర తినమని ఆయుర్వేద డాక్టర్లు సిఫారసు చేస్తుంటారు. ఖర్జూర్‌ శరీరానికి వేడిని అందిస్తుంది. కావునా వీటిని ఎక్కువగా శీతాకాలంలో తినమని చెబుతుంటారు.

ఖర్జూర్‌ చెట్టు సాధారణంగా 30-60 అడుగుల వరకు పెరుగుతుంది. దీని కాండం శాఖలేనిది, కఠినమైనది, గుండ్రంగా ఉంటుంది. ఉష్ణమండల ప్రాంతాలలో, తక్కువ నీరు, వేడి వాతావరణం ఉన్న ప్రదేశంలో పెరుగుతుంది. ఖర్జూర్‌ ఎక్కువగా గల్ఫ్ కంట్రీస్ లో పండుతుంది.

సాధారణంగా ఇవి ఏడాది పొడవునా లభిస్తాయి. కానీ శీతాకాలంలో తినడం మంచిది.

100 గ్రాముల ఖాజూర్‌లో ఉన్న పోషకాహార విలువ ఇక్కడ ఉంది

కేలరీలు: 277

పిండి పదార్థాలు: 75 గ్రాములు

ఫైబర్: 7 గ్రాములు

ప్రోటీన్: 2 గ్రాములు

పొటాషియం: ఆర్డీఐలో 20%

మెగ్నీషియం: ఆర్డీఐలో 14%

రాగి: ఆర్డీఐలో 18%

మాంగనీస్: ఆర్డీఐలో 15%

ఇనుము: ఆర్డీఐలో 5%

విటమిన్ బి 6: ఆర్డీఐలో 12%

పచ్చి ఖర్జూర్ లో ఉండే పోషకాలు, కేలరీలు డ్రై ఖర్జూర్ పండ్లతో సమానంగా ఉంటాయి.

శరీరానికి శక్తినిచ్చే ప్రధాన వనరు అయిన పిండి పదార్థాలు వీటిలో చాలా ఉన్నాయి. పిండి పదార్థాలు మెదడు, మూత్రపిండాలు, గుండె కండరాలు, కేంద్ర నాడీ వ్యవస్థకు బలాన్ని ఇవ్వడానికి కూడా సహాయపడతాయి.

ఆరోగ్యానికి ప్రతిరోజూ ఫైబర్ తీసుకోవడం చాలా ముఖ్యం. 100 గ్రాముల ఖర్జూర్‌లో 7 గ్రాముల ఫైబర్‌ ఉంటుంది. అధిక ఫైబర్ ఆహారం కొలెస్ట్రాల్ స్థాయిలను తగ్గించడంలో సహాయపడుతుంది.

మలబద్దకాన్ని నివారించడంలో, ఆరోగ్యకరమైన బరువును సాధించడంలో సహాయపడుతుంది.

కాల్షియం, ఫాస్ఫరస్, పొటాషియం, మెగ్నీషియంతో పాటు అనేక ఖనిజాలను కలిగి ఉన్నందున ఎముకల సంబంధిత సమస్యలను ఖర్జూర్ పండు నిరోధిస్తుంది.

సన్నగా ఉండేవారు రోజుకు కనీసం రెండుసార్లు ఖర్జూర్ తినడం అలవాటు చేసుకోవాలి.

Tags

Read MoreRead Less
Next Story