అయిదేళ్ల బాలుడు అమ్మని..

అయిదేళ్ల బాలుడు చేసిన సాహసం అతడిని ఇంటర్నెట్‌లో హీరోని చేసింది. బాలుడి చురుకైన ఆలోచన అతడి తల్లి ప్రాణాలను కాపాడటానికి సహాయపడింది. యూకెలోని వెస్ట్ మెర్సియా పోలీసులు గత నెలలో ఈ సంఘటన జరిగిందని వివరించారు. జోష్ అనే బాలుడు తన తల్లి, సోదరుడితో కలిసి ఉంటున్నాడు. ఓ రోజు ఉన్నట్టుండి తల్లి కింద పడిపోయి అపస్మారక స్థితిలోకి వెళ్లింది. జోష్ కి ఓ నిమిషం ఏం చేయాలో అర్థం కాలేదు. అమ్మని లేపడానికి ప్రయత్నించాడు, కానీ లేవట్లేదు. దాంతో వెంటనే తను ఆడుకుంటున్న బొమ్మల మీద అంబులెన్స్ నెంబర్ 112 చూసి ఆ నంబర్‌కు ఫోన్ చేశాడు.

అంబులెన్స్ రావడం ఆమెను ఆస్పత్రికి తీసుకెళ్లడం క్షణాల్లో జరిగిపోయింది. ఫోన్ చేసింది ఎవరో తెలుసుకుని పోలీసులు ఆశ్చర్యపోయారు. అయిదేళ్ల చిన్నారికి ఆ ఆలోచన రావడం నమ్మశక్యంగా లేదన్నారు. "అతడు చాలా ధైర్యవంతుడు. ఫోన్ రాగానే మా సిబ్బంది ఇంటికి చేరుకుని బాలుడి తల్లికి సకాలంలో వైద్య సహాయం అందేటట్లు చూసుకోగలిగాము. భవిష్యత్తులో అతను ఒక తెలివైన పోలీసు అధికారిని అవుతాడని అధికారులు అంటున్నారు.