గులాం నబీ ఆజాద్‌కు కరోనా పాజిటివ్..

రాజ్యసభలో ప్రతిపక్ష నాయకుడు, కాంగ్రెస్ ప్రముఖుడు గులాం నబీ ఆజాద్ కరోనా వైరస్ బారిన పడ్డానని, హోం క్వారంటైన్‌లో ఉన్నానని శుక్రవారం ట్వీట్ చేశారు. తనను కలిసిన వారందరినీ కోవిడ్ టెస్ట్ చేయించుకోమని సూచించారు. అంతకుముందు, అహ్మద్ పటేల్, మోతీలాల్ వోరా, అభిషేక్ సింగ్వి వంటి పలువురు సీనియర్ కాంగ్రెస్ నాయకులు కోవిడ్ బారిన పడినట్లు జాతీయ వార్తా సంస్థ పేర్కొంది. సింగ్వి కోలుకున్నప్పటికీ, ఇతర నాయకులు ఇంకా చికిత్సలో ఉన్నారు.గత కొన్ని వారాలలో దేశవ్యాప్తంగా పలువురు సీనియర్ రాజకీయ నాయకులకు వైరస్ సోకుతోంది.

ఉపాధ్యక్షుడు ఎం.వెంకయ్య నాయుడు, కేంద్ర మంత్రులు అమిత్ షా, నితిన్ గడ్కరీ, ప్రహ్లాద్ పటేల్ వైరస్‌ బారిన పడి కోలుకున్నారు.ఆజాద్ త్వరగా కోలుకోవాలని పార్టీ సభ్యులు ఆనంద్ శర్మ ఆకాంక్షించారు.

కేంద్ర వ్యవసాయ చట్టాలకు వ్యతిరేకంగా పార్లమెంటులో కాంగ్రెస్ దాడికి ఆజాద్ నాయకత్వం వహించారు.గత 24 గంటల్లో 63,371 కోవిడ్ కేసులు నమోదైన తరువాత భారత కరోనావైరస్ 73.7 లక్షల కేసులకు చేరుకుంది. ఒక రోజులో 895 మరణాలు నమోదు కాగా మొత్తం మరణాల సంఖ్య 1,12,161 గా ఉంది.