Delhi: పైశాచికం: వీధికుక్కల్ని కొట్టి చంపి... చెట్టుకు వేలాడదీసి...

Delhi: పైశాచికం: వీధికుక్కల్ని కొట్టి చంపి... చెట్టుకు వేలాడదీసి...

మనుషుల్లో పెరుగుతున్న పైశాచికత్వానికి పరాకాష్ఠగా నిలిచిన ఘటన ఢిల్లీలో చోటుచేసుకుంది. వీధికుక్కలపై దాడి చేసిన గుర్తు తెలియని దుండగులు వాటిని చిత్ర హింసలకు గురిచేసి చంపారు. ఓ శునకాన్ని చెట్టుకుని వేలాడీసి వదిలేయగా, మరో శునకం మృతదేహం కొద్ది దూరంలో గోడపక్కన కనిపించింది. ఢిల్లీలోని ద్వారక ప్రాంతంలోని సెక్టర్ 9లో ఈ దారుణం చోటుచేసుకుంది.

శునకాలకు రోజూ ఆహారం అందించే ఓ బృందం వాటి కోసం గాలించగా ఈ ఘటన వెలుగులోకి వచ్చింది. సదురు బృందం చేసిన ఫిర్యాదు మేరకు ఎఫ్.ఐ.ఆర్ ఓపెన్ చేసిన పోలీసులు సెక్షన్ 429 కింద కేసు నమోదు చేశారు. సీసీటీవీ ఫుటేజ్ ను పరిశీలించి నిందుతులను పట్టుకునేందుకు ప్రయత్నిస్తున్నారు.