ఎన్నికల్లో నిందితులపై నిషేధం..?

కేంద్ర ఎన్నికల సంఘం కీలక ప్రతిపాదనలు రూపొందించింది. నేరపూరిత అభియోగాలు ఎదుర్కొంటున్న వారిపైనా ఎన్నికల్లో నిషేధం విధించేలా కసరత్తు చేస్తోంది. సీఈసీ ప్రతిపాదనలు కార్యరూపం దాలిస్తే అభియోగాలు ఎదుర్కొంటున్న ఎన్నికల్లో పాల్గొనకుండా నిషేధం విధించే అవకాశముంటుంది. ఓ కేసులో ఇటీవల సమర్పించిన అఫిడవిట్‌లో తమ ప్రతిపాదనల్ని సుప్రీంకోర్టు ముందు ఉంచింది కేంద్ర ఎన్నికల సంఘం. అయితే సీఈసీ ప్రతిపాదనలపై సుప్రీంకోర్టు ఎలా స్పందిస్తుందన్న ఉత్కంఠ నెలకొంది.