EPFO: ఈపీఎఫ్ఓ ఖాతాదారులకు శుభవార్త..

EPFO: ఈపీఎఫ్‌ఓ ఖాతాదారులకు కేంద్రం శుభవార్త చెప్పింది. 2020-21 ఆర్థిక సంవత్సరానికి సంబంధిచి 8.50 శాతం వడ్డీని పీఎఫ్ ఖాతాలో జమ చేసినట్లు సంస్థ తెలిపింది. గత ఆర్ధిక సంవత్సరంలో వడ్డీ రేట్లు యధాతథంగా ఉంచింది.

ఈ ఆర్థిక సంవత్సరంలో డిపాజిట్ల కంటే ఎక్కువ విత్ డ్రా ఉన్నందున 2020-21 ఆర్థిక సంవత్సరానికి ఈపీఎఫ్ వడ్డీ రేటును సంస్థ మార్చకుండా ఉంచింది. దేశంలో కరోనా వైరస్ వ్యాప్తి తర్వాత ఈపీఎఫ్‌ఓ మార్చిలో 2019-20 సంవత్సరానికి వడ్డీ రేటును ఏడు సంవత్సరాల కనిష్టస్థాయికి (8.5శాతం) తగ్గించింది. 2018-19 ఆర్థిక సంవత్సరానికి ఈపీఎఫ్ వడ్డీరేటు 8.65 శాతంగా ఉంది. 2017-18 ఆర్ధిక సంవత్సరానికి ఈపీఎఫ్ వడ్డీ రేటు 8.55 శాతం కాగా, 2016-17 ఆర్థిక సంవత్సరానికి ఈపీఎఫ్ ఖాతాదారులకు ఇచ్చిన ఈపీఎఫ్ వడ్డీ రేటు 8.65 శాతంగా ఉంది.

ఆన్‌లైన్‌లో పీఎఫ్ బ్యాలెన్స్ చెక్ చేసుకునేందుకు.. పోర్టల్ ఓపెన్ చేయాలి. http://passbook.epfindia.gov.in/MemberPassBook/Login లింకు మీద క్లిక్ చేయాలి.

ఇప్పుడు మీ ఖాతా ఓపెన్ చేసేందుకు యుఎఎన్ నెంబర్, పాస్ వర్డ్ నమోదు చేయాలి.

సైన్ ఇన్ చేసిన తర్వాత మీ పీఎఫ్ బ్యాలెన్స్ చెక్ చేసుకోవచ్చు.