గత 24 గంటల్లో దేశంలో కరోనా..

గత 24 గంటల్లో 82,170 కొత్త కేసులు, 1,039 మరణాలు నమోదై భారత కోవిడ్ -19 సంఖ్య 60 లక్షలను దాటింది. మహారాష్ట్ర, కర్ణాటక, తమిళనాడు, ఆంధ్రప్రదేశ్, ఉత్తర ప్రదేశ్ ఈ ఐదు రాష్ట్రాల్లో సెప్టెంబర్ 19-22 మధ్య కాలంలో కోవిడ్ కేసులు నమోదు చేయగా, మహారాష్ట్ర, కర్ణాటకలలో ఈ సంఖ్య మళ్లీ పుంజుకోవడం ప్రారంభించిందని నిపుణులు అభిప్రాయపడ్డారు. భారతదేశం మొత్తం రికవరీ 50 లక్షలను దాటిందని కేంద్ర ఆరోగ్య, కుటుంబ సంక్షేమ మంత్రిత్వ శాఖ పేర్కొంది. 10 లక్షల రికవరీలు కేవలం 11 రోజుల్లో నమోదయ్యాయని కేంద్ర ఆరోగ్య, కుటుంబ సంక్షేమ మంత్రిత్వ శాఖ తెలిపింది.

బెంగళూరులోని కోవిడ్ కేసులు గత వారం రోజులను నుంచి ఎక్కువగా నమోదవుతున్నాయి. దేశంలోని రోజువారీ నమోదవుతున్న వైరస్ కేసుల చార్టులో నగరం అగ్రస్థానంలో నిలిచింది. గత తొమ్మిది రోజులలో బెంగళూరులో 33,000 కన్నా ఎక్కువ పాజిటివ్ కేసులు నమోదయ్యాయి. దేశంలో 9,56,402 యాక్టివ్ కరోనా వైరస్ కేసులు ఉన్నాయి ఆరోగ్య మంత్రిత్వ శాఖ విడుదల చేసిన బులెటిన్‌లో పేర్కొంది. అమెరికా తర్వాత కోవిడ్ -19 కేసుల విషయంలో భారత్ రెండవ స్థానంలో ఉంది, అమెరికా, బ్రెజిల్ తరువాత ప్రపంచవ్యాప్తంగా మరణాల విషయంలో ఇది మూడవ స్థానంలో ఉందని జెహెచ్‌యు గణాంకాలు చెబుతున్నాయి.రికవరీల సంఖ్య విషయంలో భారతదేశం పోల్ పొజిషన్‌లో ఉంది, బ్రెజిల్, యుఎస్ తరువాత, ప్రపంచం నలుమూలల నుండి డేటాను సంకలనం చేస్తున్న జాన్స్ హాప్కిన్స్ విశ్వవిద్యాలయం తెలిపింది.