ప్లాస్మా థెరపీపై భిన్నాభిప్రాయాలు..

కోవిడ్ నుంచి కోలుకున్న వ్యక్తుల ద్వారా సేకరించన ప్లాస్మాతో వైరస్ సోకిన వ్యక్తులకు ఎక్కించడం వల్ల ఉపయోగం లేదని.. దీని ద్వారా మరణాల రేటు తగ్గిన దాఖలాలు లేవని భారత వైద్య పరిశోధనా మండలి (ఐసీఎంఆర్) డైరక్టర్ జనరల్ బలరాం భార్గవ స్పష్టం చేశారు. ఇండియా కౌన్సిల్ ఆఫ్ మెడికల్ రీసెర్చ్ ఒక అధ్యయనంలో కోవిడ్ కొరకు ప్లాస్మా థెరపీ మరణాల రేటును తగ్గించ లేదని, వ్యాధి తీవ్రతను కూడా తగ్గించ లేదని స్పష్టం చేశారు. పరిశోధనలో భాగంగా 464 మంది మధ్యస్తంగా బాధపడుతున్న రోగులు శ్వాస తీసుకోవడంలో ఇబ్బందులు తలెత్తడంతో పాటు ఆక్సిజన్ స్థాయి 93 శాతం కంటే తక్కువగా ఉంది. వారిని రెండు గ్రూపులుగా విభజించారు - 235 మందికి ప్లాస్మా ఇవ్వగా, 229 మందికి సాధారణ చికిత్స అందించారు.. 235 మంది రోగులు 24 గంటల వ్యవధిలో 200 మి.లీ ప్లాస్మా రెండు మోతాదులలో ఎక్కించారు. రెండు గ్రూపులను 28 రోజుల తరువాత పరీక్షించారు.

ప్లాస్మా థెరపీ పొందిన వారిలో 13.6 శాతం మంది కోలుకోలేక చనిపోయారని అత్యున్నత వైద్య సంస్థ తెలిపింది. ప్లాస్మా తీసుకోని వారిలో 14.6 శాతం మంది మరణించారు. రెండు గ్రూపుల్లో కలిపి 17 మంది రోగులు తీవ్రమైన వ్యాధితో బాధపడుతున్నారని అధ్యయనం తెలిపింది. కరోనావైరస్ వ్యాప్తిని అరికట్టడానికి ఢిల్లీ, ఒడిశా, మహారాష్ట్ర, తమిళనాడు వంటి అనేక రాష్ట్రాలు ప్లాస్మా థెరపీని నిర్వహిస్తున్నాయి. ఢిల్లీ ఆరోగ్య మంత్రి సత్యేందర్ జైన్ గురువారం మాట్లాడుతూ, "ఐసియులో మూడు దశలు ఉన్నాయి. 3 వ దశలో ఇచ్చే ప్లాస్మా థెరపీకి పెద్దగా ప్రభావం ఉండదని మేము కూడా చెబుతున్నాము. అయితే 1 వ లేదా 2 వ దశలో ఇస్తే ప్రయోజనాలు ఉన్నాయి ఢిల్లీలో 1,000 మందికి పైగా ప్లాస్మా థెరపీని పొందారు. వారిలో ఎక్కువ మంది ప్రాణాలు కాపాడబడ్డాయి. నేను కరోనాకు చికిత్స పొందినప్పుడు ప్లాస్మా థెరపీ తీసుకున్నాను. అందువల్ల ప్రయోజనాలు ఉన్నాయని నాకు తెలుసు " అని సత్యేందర్ అన్నారు.

కరోనావైరస్ రోగులకు చికిత్స చేయడంలో ప్లాస్మా థెరపీ వల్ల కలిగే ప్రయోజనాలను తాము చూసినట్లు వైద్యులు, నిపుణులు తెలిపారు. అమెరికాలో, 65,000 మందికి ప్లాస్మా థెరపీ ఇవ్వబడింది. ఈ ప్రక్రియ ఇంకా కొనసాగుతూనే ఉంది. "అమెరికా వంటి అభివృద్ధి చెందిన దేశం ఇంత పెద్ద సంఖ్యలో ప్లాస్మా థెరపీని నిర్వహిస్తుంటే, ఖచ్చితంగా ప్రయోజనం ఉండే ఉంటుంది. అమెరికాలో ఎఫ్‌డిఎ నిర్వహించిన విచారణలో ప్లాస్మా థెరపీ మరణాలను 35 శాతం వరకు తగ్గిస్తుందని తేలింది. "ఢిల్లీలోని ఎల్‌ఎన్‌జెపి ఆసుపత్రిలో మెడికల్ డైరెక్టర్ ప్లాస్మా థెరపీ ప్రిన్సిపల్ ఇన్వెస్టిగేటర్ డాక్టర్ సురేష్ కుమార్ ఇలా అన్నారు: "మేము ఐసిఎంఆర్ విచారణను ప్రశ్నించలేము. కాని మేము దీనిని 114 మంది రోగులకు అందించాము. ఆక్సిజన్ సంతృప్త స్థాయి 93 శాతం కంటే తక్కువ ఉన్నవారికి మాత్రమే మేము ఇచ్చాము. మరియు ఇది ఆక్సిజన్ స్థాయిని 85 నుండి 95 శాతానికి మెరుగుపరిచింది. మరి కొంతమంది రోగుల్లో జ్వరం తగ్గింది.. శ్వాసకోశ రేటు సాధారణ స్థాయిలోకి వచ్చింది అని అన్నారు.

రాజీవ్ గాంధీ సూపర్‌స్పెషాలిటీ హాస్పిటల్‌లో మెడికల్ డైరెక్టర్ డాక్టర్ బిఎల్ షెర్వాల్ మాట్లాడుతూ "మేము దీనిని 88 మంది రోగులపై ప్రయోగించాము. ప్లాస్మా థెరపీకి సంబంధించిన అధ్యయనాలు ఇంకా కొనసాగుతూనే ఉన్నాయి. కచ్చితంగా ఇది ప్రతికూల ప్రభావాలను కలిగి ఉండదు రోగులకు ఉపశమనం కలిగించడంలో ప్లాస్మా ప్రముఖ పోషిస్తుంది అని మాత్రం చెప్పగలం అని అంటున్నారు. అనారోగ్యంతో బాధపడుతున్నవారికి చికిత్స చేయడానికి కోలుకున్న కోవిడ్ రోగుల ప్లాస్మాను ఉపయోగించడాన్ని ఆమోదించడం గురించి ప్రపంచ ఆరోగ్య సంస్థ గత నెలలో కొన్ని సూచనలు చేసింది.. ప్లాస్మాతో ప్రయోజనాలు తక్కువగా ఉన్నాయని, మరిన్ని పరిశోధనలు జరగాల్సి ఉందని పేర్కొంది.