రూ. 2.5 కోట్లు పలికిన మహాత్మాగాంధీ కళ్లజోడు

మహాత్మాగాంధీకి చెందిన ఓ కళ్లజోడు వేలంలో రికార్డు స్థాయిలో ధర పలికింది. ఇంగ్లండ్‌లోని ఈస్ట్ బ్రిస్టోల్ ఆక్షన్స్ సంస్థ మహాత్ముడుకి చెందిన కళ్లజోడును వేలం వేసింది. ఈ కళ్లజోడు వేలంలో రూ.2.5కోట్లు పలికింది. ఈస్ట్ బ్రిస్టోల్ ఆక్షన్స్ సంస్థ లెటర్ బాక్సుకు వేలాడుతూ ఈ కళ్లజోడు కనిపించిందట. గతంలో సౌతాఫ్రికాలో పనిచేసిన ఓ వ్యక్తి వీటిని సేకరించాడు. వంశపారంపర్యంగా తనకు వచ్చిన ఈ కళ్లజోడును ఇంగ్లండ్‌కు చెందిన వ్యక్తి బ్రిస్టోల్ ఆక్షన్స్‌కు పంపించాడు.

గతంలో క్విట్ ఇండియా ఉద్యమ కాలంలో మహాత్మాగాంధీ వినియోగించిన చరఖా ఒకటి వేలంలో మంచి ధర పలికింది. ఈ చరఖా 2013లో వేలంపాటలో రూ. కోటి ధర పలికింది. లండన్‌లో నిర్వహించిన ఈ వేలంపాట అప్పట్లో సంచలనంగా మారింది. తాజాగా మహాత్ముడి కళ్లజోడు వేలంలో రూ.2.5 కోట్లు పలికింది. అయితే వేలంలో కనీసం 15వేల యూరోలు (రూ.15లక్షలు) పలుకుతుందని నిర్వాహకులు భావించారట. అయితే అనూహ్యంగా ఇది 2.6లక్షల యూరోలు (సుమారు రూ.2.5కోట్లు) పలికింది.