Chhattisgarh : ఛత్తీస్ గఢ్ లో ఎన్ కౌంటర్

ఛత్తీస్ గఢ్ లో భారీ ఎన్ కౌంటర్ జరిగింది. చింతగుఫా, కిస్టారం పోలీస్ స్టేషన్ సరిహద్దుల్లోని మావోయిస్టుల కోటలో ఉన్న ఛోటేకెడ్వాల్ గ్రామ అటవీ ప్రాంతంలో భద్రతా సిబ్బంది నక్సలైట్ ల గురించి పక్కా సమాచారంతో కూంబింగ్ చేపట్టారు. ఈ ఘటన లో ఆరుగురు మావోయిస్టులకు తీవ్ర గాయాలు అయ్యాయి. వారు భావిస్తున్నారు కానీ వారి మృత దేహాలు లభించలేదు.

ఛత్తీస్‌గఢ్‌లోని సుక్మా జిల్లాలో శనివారం భద్రతా సిబ్బంది, నక్సలైట్ల మధ్య భీకర కాల్పులు జరిగాయి. ఆ స్థలంలో మృతదేహాలు ఏవీ కనుగొనబడనప్పటికీ దాదాపు నాలుగు నుంచి ఆరుగురు నక్సలైట్లు మరణించారని అనుకుంటున్నారు. మృతదేహాలు కనిపించకపోవడంతో నక్సలైట్లు గాయపడిన లేదా మరణించిన వారిని వెంటనే అడవుల్లోకి లాగగలిగారని అధికారులు వెల్లడించారు.

సెంట్రల్ రిజర్వ్ పోలీస్ ఫోర్స్ యొక్క ఎలైట్ కమాండో బెటాలియన్ ఫర్ రిజల్యూట్ యాక్షన్ (కోబ్రా), రాష్ట్ర పోలీసు జిల్లా రిజర్వ్ గార్డ్ (DRG) కు చెందిన సిబ్బంది ఈ ఆపరేషన్‌లో పాల్గొన్నారు. మావోయిస్టుల కిస్టారం ఏరియా కమిటీ ఇన్‌ఛార్జ్ రాజు, డివిజన్ కమిటీ సభ్యుడు, కీలక మావోయిస్టులు ఛోటేకెడ్వాల్, బడేకెడ్వాల్, సింఘన్‌మడ్గు గ్రామాలలో సుమారు 30-35 మంది కార్యకర్తలతో కలిసి ఉన్నారనే సమాచారం ఆధారంగా ఆపరేషన్ ప్రారంభించినట్టుగా పోలీసులు చెబుతున్నారు.

పోలీసులకు, మావోయిస్టులకు మధ్య ఓ గంట పాటు జరిగిన ఈ భయంకరమైన ఎదురు కాల్పులలో దాదాపు ఆరుగురు మావోయిస్టులు మృతి చెందినట్లు అనుమానిస్తున్నారు. ఈ ఘటనాస్థలంలో భద్రతా బలాగాలు కొన్ని పేలుడు పదార్థాలను స్వాధీనం చేసుకున్నారు. సుక్మా అటవీ ప్రాంతంలో మావోయిస్టుల కోసం ఇంకా కూంబింగ్ కొనసాగుతుండటంతో అక్కడ ఉద్రిక్తత పరిస్థితి నెలకొంది.

ఛత్తీస్ గఢ్ లో తరచుగా ఎన్ కౌంటర్లు జరుగూతూనేవుంటాయి. నక్సలైట్లు తమ సహోద్యోగుల మరణాలకు గుర్తుగా జూలై 28 నుండి ఆగస్టు 3 వరకు ‘అమరవీరుల వారోత్సవాలు’ పాటిస్తారు. ఈ నేపథ్యంలో నక్సలైట్ల ప్రభావిత ప్రాంతాలైన బస్తర్ డివిజన్‌లోని దంతెవాడ, బీజాపూర్, బస్తర్, నారాయణపూర్, కొండగావ్, సుక్మా, కంకేర్‌లలో పోలీసులు భద్రతను పెంచుతారు. ఎందుకంటే వారు ఈ సమయంలో ప్రజా ఆస్తులను దెబ్బతీసేందుకు అనేక విధ్వంసక చర్యలను ప్లాన్ చేస్తున్నట్లు పోలీసులు సమాచారం అందుకున్నారు.