65 ఏళ్ల వయసులో పెళ్లిచేసుకున్న న్యాయవాది హరీష్ సాల్వే

సుప్రీంకోర్టు సీనియర్ న్యాయవాది హరీష్ సాల్వే 65 ఏళ్ల వయసులో ఓ ఇంటివాడయ్యారు. లండన్ కు చెందిన ఆర్టిస్ట్.. కరోలిన్ బ్రోసార్డ్ ను బుధవారం ఒక ప్రైవేట్ వేడుకలో వివాహం చేసుకున్నారు.ఈ కార్యక్రమం ఓ చర్చిలో జరిగింది. ఈ కార్యక్రమానికి ఇరుకుటుంబాలకు చెందిన సన్నిహితులు మాత్రమే హాజరయ్యారు. 1955 లో మహారాష్ట్రలో జన్మించిన హరీష్ సాల్వే సుప్రీంకోర్టులో సీనియర్ న్యాయవాదిగా కొనసాగుతున్నారు. హరీష్ సాల్వే 2017 మేలో కుల్భూషణ్ జాదవ్ కేసులో అంతర్జాతీయ న్యాయస్థానం ముందు భారతదేశానికి ప్రాతినిధ్యం వహించారు.