నాలుగు రోజులుగా కురుస్తున్న వర్షాలకు ఉమ్మడి ఆదిలాబాద్‌ జిల్లాలో వాగులు, వంకలు పొంగిపొర్లుతున్నాయి. పలు ప్రాజెక్టులు జలకళను సంతరించుకున్నాయి. ఉమ్మడి జిల్లాలోని భారీ, మధ్య, చిన్న తరహా ప్రాజెక్టులన్నీ వరద నీటితో కలకలలాడుతున్నాయి. ప్రాణహిత, పెన్‌గంగా నదులు భారీ వరద నీటితో ప్రవహిస్తున్నాయి. సింగరేణి ఓపెన్ కాస్ట్‌లో బొగ్గు ఉత్పత్తి నిలిచిపోయింది. కడెం ప్రాజెక్టుకు భారీ వరద చేరడంతో మళ్లీ ఇబ్బందికర పరిస్థితులు తలెత్తాయి.