హైదరాబాద్ కు చెందిన శ్వేత అనే మహిళ తన భర్త చేతిలో హత్యకు గురైన ఘటన ఆస్ట్రేలియాలో చోటుచేసుకుంది. హైదరాబాద్ AS రావ్ నగర్ కు చెందిన శ్వేతకు అశోక్ రాజ్ అనే వ్యక్తితో.. కొన్నేళ్ల క్రితం వివాహమైంది. వారికి ఓ కుమారుడు ఉన్నాడు.ఉద్యోగ రీత్యా ఆస్ట్రేలియాలోని విక్టోరియాలో ఉండే అశోక్ రాజ్ తన భార్యను చంపి మృత దేహాన్ని రోడ్డు పక్కన ఉన్న చెత్త డబ్బాలో పడేసినట్టు అక్కడి పోలీసులు గుర్తించారు.

అనంతరం భారత్ కు వచ్చిన అశోక్ రాజ్ తన కుమారుడిని హైదరాబాద్ లోని శ్వేత పుట్టింట్లో వదిలేసి తిరిగి ఆస్ట్రేలియా వెళ్లిపోయాడు. శ్వేత మృతిపై దర్యాప్తు చేపట్టిన విక్టోరియా పోలీసులు ఆమెను అశోక్ రాజ్ చంపినట్టు గుర్తించిఅతడిని అదుపులోకి తీసుకున్నట్టు తెలుస్తోంది. ప్రస్తుతం అతడు విక్టోరియా పోలీసుల అదుపులో ఉన్నట్లు తెలిసింది.