భారీ వర్షానికి హైదరాబాద్‌లోని కూకట్‌పల్లి ఆల్విన్‌ కాలనీలోకి వరద వచ్చింది. పీజేఆర్‌ నగర్‌ బ్లాక్‌ నెంబర్‌ 50, 51 వద్ద ఇళ్లలోకి నీరు చేరింది. దీంతో స్థానికులు వరద నీటిని బయటికి తోడేస్తున్నారు. వర్షపు నీటితో తీవ్ర అవస్థలు పడుతున్నారు. మరోవైపు కుత్బుల్లాపూర్‌లోని గాజులరామారంలో రోడ్లపై వరద ప్రవహిస్తుంది. బాలాజీ లేఅవుట్‌, వొక్షిత ఎన్‌క్లేవ్‌, ఆదర్శ్‌నగర్‌ ప్రాంతాలు చెరువులను తలపిస్తున్నాయి. ఎగువ ఉన్న చెరువు నుంచి భారీగా వరద వస్తుంది. దీంతో స్థానికులు ఆందోళనలో ఉన్నారు.