ఏలూరు జిల్లా ద్వారాక తిరుమలలోని చిన్న వెంకన్న ఆలయంలో.... ఆక్టోపస్ బలగాలు హడావుడి చేశాయి. ఆలయంలో ఉగ్రవాదులు దాడులు చేస్తే.. తీసుకోవాల్సిన రక్షణ చర్యలపై మాక్ డ్రిల్ చేశారు. ప్రతికూల పరిస్థితుల్ని ఎలా తిప్పికొట్టాలన్న అంశాలపై.. అవగాహన కల్పించారు. ఈ మాక్ డ్రిల్‌లో బలగాలతో పాటు దేవస్థానం అధికారులు, స్థానిక పోలీసులు పాల్గొన్నారు. ఈ ఆలయానికి నిత్యం వేలాది మంది భక్తులు వస్తుంటారు. ఇలాంటి పుణ్యక్షేత్రాల్లో ఉగ్రదాడులను ఎలా ఎదుర్కోవాలన్న దానిపై.. ఈ డ్రిల్‌ నిర్వహించారు.