తెలంగాణ ఆర్టీసీ బస్ ట్రాకింగ్ యాప్ గమ్యంను ప్రారంభించారు TSTRC ఎండీ సజ్జనార్. ప్రజల వద్దకు ఆర్టీసీ కొత్త కార్యక్రమాలతో ముందుకెళ్తుందన్నారు. మహిళల భద్రతకు గమ్యం యాప్ ఉపయోగపడుతుందని..యాప్‌లో ఫ్లాగ్ ఏ బస్ ఫీచర్ అద్భుతంగా ఉందని అన్నారు. రాత్రివేళ బస్ స్టాప్‌లు లేని ప్రాంతాల్లో యాప్‌లో సమాచారం తెలుసుకోవచ్చని తెలిపారు.రాత్రి 7 నుంచి ఉదయం 6 గంటల వరకు ఫ్లాగ్ ఏ బస్‌ ఫీచర్ అందుబాటులో ఉంటుందని అన్నారు. పల్లె వెలుగు తప్ప అన్ని ఆర్టీసీ బస్సుల్లో జీపీఎస్ ట్రాకింగ్ ఉంటుందన్నారు సజ్జనార్‌.