ఆ సినిమా కోసం నితిన్‌‌తో స్క్రీన్ టెస్ట్.. కానీ కమిట్ అవ్వని హీరోయిన్..!

సినిమా ఇండస్ట్రీలో చాలా విచిత్రాలు జరుగుతుంటాయి. పలానా కథను పలానా హీరోహీరోయిన్‌‌లతో అనుకోని మరొకరితో చేస్తుంటారు దర్శకులు.. ఇది సహజమే.. అయితే ఆ సినిమా ప్లాప్ అయితే పర్వాలేదు కానీ.. ఒకవేళ బ్లాక్‌‌బస్టర్ హిట్ అయితే మాత్రం ఆ సినిమాని మిస్ చేసుకున్న హీరోహీరోయిన్లు చాలా బాధపడుతుంటారు. అలా ఓ బ్లాక్‌‌బస్టర్ మూవీని మిస్ చేసుకున్న హీరోయిన్ లలో అన్షు ఒకరు. అన్షు అంటే టక్కున గుర్తుపట్టడం కష్టమే అనుకోండి. విజయభాస్కర్ దర్శకత్వంలో నాగార్జున హీరోగా వచ్చిన మన్మధుడు సినిమాలో మహేశ్వరి అనే పాత్రలో నటించింది అన్షు.

ఆ సినిమాతో మంచి క్రేజ్ రావడంతో ఆ తరవాత వరుసగా అవకాశాలు వచ్చాయి. అందులో భాగంగానే నితిన్ హీరోగా, వివి వినాయక్ దర్శకత్వంలో వచ్చిన దిల్ సినిమాలో హీరోయిన్‌‌గా అవకాశం వచ్చింది. స్క్రీన్ టెస్ట్ కూడా చేశారు. సెలెక్ట్ కూడా అయింది. కానీ ఆ సినిమాని ఎందుకో అన్షు వదులుకుంది. దీనికి సంబంధించిన స్క్రీన్ టెస్ట్ ఫోటోలను ఇన్‌‌స్టా‌‌గ్రామ్‌‌లో పోస్ట్ చేసింది. బాక్స్ ఆఫీస్ వద్ద మంచి విజయాన్ని అందుకున్న ఈ సినిమాని అన్షు ఒకవేళ చేసుంటే టాప్ హీరోయిన్లలలో ఒకరిగా ఉండేది అని చెప్పడంలో ఎలాంటి సందేహం అక్కర్లేదు. ఈ సినిమాలో నేహ బాంబ్ హీరోయిన్ గా నటించింది.