chiranjeevi : చిరుకు 'మెగాస్టార్‌' అనే బిరుదు ఎలా వచ్చింది.. ఎవరిచ్చారు?

స్వయంకృషితో సినిమాల్లోకి అడుగుపెట్టి ఒక్కోమెట్టుతో వచ్చిన అవకాశాలను అందిపుచ్చుకుంటూ సుప్రీంహీరో నుంచి మెగాస్టార్‌‌గా ఎదిగారు నటుడు చిరంజీవి.

chiranjeevi : చిరుకు మెగాస్టార్‌ అనే బిరుదు ఎలా వచ్చింది.. ఎవరిచ్చారు?
X

స్వయంకృషితో సినిమాల్లోకి అడుగుపెట్టి ఒక్కోమెట్టుతో వచ్చిన అవకాశాలను అందిపుచ్చుకుంటూ సుప్రీంహీరో నుంచి మెగాస్టార్‌‌గా ఎదిగారు నటుడు చిరంజీవి. నటనలోనే కాదు డాన్స్‌‌లో కూడా మెగాస్టార్ స్టైల్ వేరు.. ఇప్పటికీ ఆ స్టైల్‌‌ని ఎవ్వరు కూడా బీట్ చేయడం లేదంటే అర్ధం చేసుకోవచ్చు ఆయన ఏంటో. 60 ఏళ్ల వయసులో కూడా హీరోగా ఇప్పటికి యంగ్ హీరోలకి పోటీ ఇస్తున్నారాయన.. ఇదిలా ఉంటే అభిమానులంతా మెగాస్టార్‌ మెగాస్టార్‌ అంటూ ఆప్యాయంగా పిలుచుకునే చిరుకి ఈ బిరుదు ఎలా వచ్చింది. ఆయనకి ఎవరిచ్చారు?

ఎన్టీఆర్, ఏఎన్నార్,కృష్ణ లాంటి హీరోలు స్టార్ లుగా ఎదుగుతున్న సమయంలో ఇండస్ట్రీలోకి అడుగుపెట్టారు చిరంజీవి. తొలుత సహానటుడిగా, ఆ తర్వాత విలన్‌‌‌గా, ఆ తర్వాత హీరోగా మారారు. చిరంజీవిని హీరోగా పెట్టి పలు సూపర్‌‌హిట్ చిత్రాలను నిర్మించారు నిర్మాత కేఎస్‌. రామారావు. వీరి కాంబినేషన్‌‌లో వచ్చిన మొదటి చిత్రం 'అభిలాష. యండమూరి వీరేంద్రనాథ్ నవలా ఆధారంగా కోదండరామిరెడ్డి దర్శకత్వంలో ఈ సినిమా తెరకెక్కింది. ఈ సినిమా బాక్స్ ఆఫీస్ వద్ద మంచి సక్సెస్ ని అందుకుంది.

ఆ తర్వాత 'ఛాలెంజ్' 'రాక్షసుడు' చిత్రాలు వీరి కాంబినేషన్‌‌ లో వచ్చాయి. ఇక వీరి కలయికలో వచ్చిన నాలుగవ చిత్రం 'మరణ మృదంగం'. యండమూరి వీరేంద్రనాథ్ నవలా ఆధారంగా కోదండరామిరెడ్డి దర్శకత్వంలో తెరకెక్కింది. ఈ సినిమా కూడా సూపర్ హిట్ అయింది. అయితే అప్పటివరకు చిరంజీవి నటించిన సినిమాలకి సుప్రీంహీరో అనే టైటిల్స్ పడేవి కానీ.. ఈ సినిమాతో సుప్రీంహీరోకి బదులుగా మెగాస్టార్‌ చిరంజీవిగా మారింది.

మెగాస్టార్‌ చిరంజీవి అని రావడంతో థియేటర్‌‌‌లో అంతా అభిమానుల ఈళలతో మారుమోగిందట. ఈ సినిమాతో నిర్మాత కేఎస్‌ రామారావు చిరంజీవికి మెగాస్టార్ అనే బిరుదుని అందించారు. ఇక అప్పటినుంచి అభిమానులు చిరంజీవిని మెగాస్టార్ అని పిలవడం మొదలుపెట్టారు.

Next Story

RELATED STORIES