Chiranjeevi: పావలా శ్యామలకు చిరంజీవి మరోసారి ఆర్థిక సాయం..

Chiranjeevi: టాలీవుడ్ సీనియర్ నటి పావలా శ్యామల తీవ్ర ఆర్థిక సమస్యలతో బాధపడుతున్నారు. ఆరోగ్యం క్షీణించడంతో ఆదుకునే వారి కోసం చేయి చాస్తున్నారు. ఈ పరిస్థితుల్లో సినీ ఇండస్ట్రీలోని కొందరు వ్యక్తులు ఆమెకు సాయం అందిస్తున్నారు. మొగాస్టార్ చిరంజీవి ఆమెకు కొద్ది రోజుల క్రితం లక్ష రూపాయలు అందించారు. ఇప్పుడు మళ్లీ ఇంకోసారి ఆమెకు చిరంజీవి సాయం చేస్తున్నారు. మరో లక్ష రూపాయలు అందించారు.

వందలాది సినిమాల్లో నటించిన 70 ఏళ్ల ఆర్టిస్ట్ పావలా శ్యామల ఎంతో ఆర్థిక ఇబ్బందుల్లో జీవిస్తున్నారు. నటి యొక్క ఆర్థిక పరిస్థితి మరింత దిగజారింది. ఆమె ఇంటి అద్దె కూడా చెల్లించు కోలేని పరిస్థితిలో ఉన్నారు. ఆమె ఆర్థిక పరిస్థితి గురించి తెలుసుకున్న చిరంజీవి వెంటనే ఆమెకు రూ .1,01,500 విరాళం అందించారు.

ఆమెకు ఆర్థిక సహాయం అందించడంతో పాటు చిరంజీవి మూవీ ఆర్టిస్ట్ అసోసియేషన్ లో సభ్యత్వ కార్డును కూడా ఇప్పించారు. దీని వలను ఆమెకు నెలవారీ పింఛను రూ. 6,000 అందుతుంది.

సీనియర్ నటి ఆర్థిక ఇబ్బందులు, అనారోగ్య సమస్యలతో బాధపడుతున్న సమయంలో డబ్బును విరాళంగా ఇవ్వడంతో పాటు, ఆమెకు 'మా' కార్డును ఇవ్వడం ద్వారా పావాలా శ్యామలకు సహాయం చేయడానికి ముందుకు వచ్చిన మెగాస్టార్‌కు కమిటీ సభ్యులు కృతజ్ఞతలు తెలిపారు .

ఈ సందర్భంగా పావాలా శ్యామల తనకు సహాయం చేసినందుకు మెగాస్టార్‌కు కృతజ్ఞతలు తెలిపారు. ఇంతకు ముందు కూడా ఇబ్బందుల్లో ఉన్నప్పుడు తనకు రూ .2 లక్షలు విరాళంగా ఇచ్చినట్లు ఆమె గుర్తుచేసుకున్నారు.