త్రివిక్రమ్ అడిగితే ఆ క్యారెక్టర్ చేసేవాడిని : రాజశేఖర్

ఒకప్పుడు స్టార్ హీరోలలో రాజ‌శేఖ‌ర్ ఒకరు. వందేమాతరం, అంకుశం, తలంబ్రాలు లాంటి బ్లాక్ బస్టర్ సినిమాలు ఆయన ఖాతాలో ఉన్నాయి.

త్రివిక్రమ్ అడిగితే ఆ క్యారెక్టర్ చేసేవాడిని : రాజశేఖర్
X

ఒకప్పుడు స్టార్ హీరోలలో రాజ‌శేఖ‌ర్ ఒకరు. వందేమాతరం, అంకుశం, తలంబ్రాలు లాంటి బ్లాక్ బస్టర్ సినిమాలు ఆయన ఖాతాలో ఉన్నాయి. చిరంజీవి లాంటి స్టార్ హీరోతో పోటీపడిన నటులలో రాజశేఖర్ ఒకరు. అయితే ఈ మధ్య హీరోగా ఆయన అవకాశాలు తగ్గుముఖం పట్టాయి. మళ్ళీ గడురవేగ సినిమా సక్సెస్‌‌తో కంబ్యాక్ అనిపించారు.. కానీ హీరోగా కాకుండా సినిమాలోని కీలక పాత్రలకి సంబంధించి రాజశేఖర్ ఆ మధ్య ఆఫర్స్ బాగానే వచ్చాయి.. కానీ ఇందులోని కొన్నింటిని ఆయనే వద్దనుకోగా, మరికొన్ని దర్శకనిర్మాతలు ఛాయిస్ గా అనుకోని మరొకరిని తీసుకున్నారు.

అలాంటిదే త్రివిక్రమ్ సినిమా ఒకటి. అదే అల్లు అర్జున్ హీరోగా వచ్చిన s/o సత్యమూర్తి. ముందుగా ఈ సినిమాలోని ఉపేంద్ర పాత్రకి ముందుగా రాజశేఖర్‌‌నే అనుకున్నాడట త్రివిక్రమ్.. కాకపోతే ఆ ఆఫర్ తన వరకు రాకుండానే ఉపేంద్రకు వెళ్లిందట.. ఒకవేళ త్రివిక్రమ్ తనని అడిగి ఉంటే ఆ పాత్ర చేసేవాడినని ఓ ఇంటర్వ్యూలో చెప్పుకొచ్చాడు రాజశేఖర్. ఈ సినిమాతో పాటుగా 'సీత‌మ్మ వాకిట్లో సిరిమ‌ల్లె చెట్టు` సినిమాలోని ప్రకాశ్ రాజ్ చేసిన పాత్ర కోసం ముందుగా తననే అనుకున్నారు. కానీ అది వర్కవుట్ కాలేద‌ని రాజశేఖర్ చెప్పుకొచ్చాడు.

అయితే హీరోగానే కాకుండా మంచి పాత్రలు అనిపిస్తే ఏ పాత్ర చేయడానికైనా సిద్దేమేనని తెలిపాడు. కాగా యాక్షన్ హీరో గోపీచంద్, దర్శకుడు శ్రీవాస్ కాంబినేషన్‌‌‌లో ఓ సినిమా తెరకెక్కుతుంది. ఈ సినిమాలో ఓ కీలకపాత్ర పోషిస్తున్నాడు రాజశేఖర్.

Next Story

RELATED STORIES