High court : గణేష్‌ నిమజ్జనంపై ప్రభుత్వ రివ్యూ పిటిషన్ కొట్టేసిన హైకోర్టు.!

గణేష్‌ నిమజ్జనంపై GHMC వేసిన రివ్యూ పిటిషన్‌ను హైకోర్టు తోసిపుచ్చింది. నిమజ్జనంపై గతంలో తాము ఇచ్చిన ఆదేశాలను పాటించాల్సిందేనని ధర్మాసనం స్పష్టం చేసింది.

High court : గణేష్‌ నిమజ్జనంపై ప్రభుత్వ రివ్యూ పిటిషన్ కొట్టేసిన హైకోర్టు.!
X

గణేష్‌ నిమజ్జనంపై GHMC వేసిన రివ్యూ పిటిషన్‌ను హైకోర్టు తోసిపుచ్చింది. నిమజ్జనంపై గతంలో తాము ఇచ్చిన ఆదేశాలను పాటించాల్సిందేనని ధర్మాసనం స్పష్టం చేసింది. ఈ ఒక్క ఏడాదికి మినహాయింపు ఇవ్వాలని ప్రభుత్వం కోరినా న్యాయస్థానం ఒప్పుకోలేదు. గత ఏడాదిలోనూ నిమజ్జనంపై ఉత్తర్వులు ఇచ్చినా.. ఇప్పటికీ వాటిని పాటించలేదని హైకోర్టు అసంతృప్తి వ్యక్తం చేసింది. తమ ఉత్తర్వులను యధావిధిగా కొనసాగించాల్సిందేనని ఆదేశించింది. ఒకవేళ ఈ నిర్ణయంతో సంతృప్తి చెందని పక్షంలో అప్పీల్‌కి వెళ్లొచ్చని సూచించింది.

నిమజ్జనం సందర్భంగా సరైన నిబంధనలు పాటించకపోవడం వల్ల కాలుష్యం పెరిగిపోతున్నందునే కారణంగానే తాము ఈ ఆదేశాలు ఇవ్వాల్సి వచ్చిందని కోర్టు తెలిపింది. P.O.P విగ్రహాల తయారీ వద్దని ప్రభుత్వం ముందే ఆదేశాలు ఇచ్చి ఉంటే ఈ పరిస్థితి వచ్చేది కాదని అభిప్రాయపడింది. ఈ పరిస్థితులన్నీ ప్రభుత్వం సృష్టించుకున్నవేనని, వీటిని పరిష్కరించాల్సింది అధికారులేనని వ్యాఖ్యానించింది. నీటి కుంటల్లో నిమజ్జనం వీలు కాదనే విషయాన్ని ముందుగా ఎందుకు చెప్పలేదని కూడా ద్విసభ్య ధర్మాసనం ప్రశ్నించింది.

POP విగ్రహాల నిమజ్జనానికి ప్రత్యమ్నాయ ఏర్పాట్లు చేసుకోవాల్సిందేనని స్పష్టం చేసింది. ఈ నేపథ్యంలో హైకోర్టు ఉత్తర్వులను అమలు చేయడమా, మళ్లీ ఛాలెంజ్ చేయడమా అనే దానిపై ఉన్నత స్థాయిలో సమీక్ష తర్వాత ప్రభుత్వం నిర్ణయం తీసుకోనుంది.

Next Story

RELATED STORIES