ఫిల్మ్ న్యూస్ జర్నలిస్ట్‌లకు మెగాస్టార్ చేయూత

ఫిల్మ్ జర్నలిస్ట్ లకు సినిమా పరిశ్రమకు ఎంతటి అవినాభావ సంబంధం ఉంటుందో అందరికీ తెలిసిందే. ఎలక్ట్రానిక్ మీడియాలో పనిచేస్తోన్న ఫిల్మ్ జర్నలిస్ట్ లు అంతా కలిసి 2004లో ‘ఫిల్మ్ న్యూస్ క్యాస్టర్స్ అసోసియేషన్ ఆఫ్ ఎలక్ట్రానిక్ మీడియా’అనే సంస్థను స్థాపించారు. ఈ సంస్థ నుంచి వివిధ ఎలక్ట్రానిక్ మీడియంలలో పనిచేస్తోన్న జర్నలిస్ట్ ల సంక్షేమం కోసం పెద్ద ఎత్తున కార్యక్రమాలు మొదలుపెట్టారు. ఇప్పటికే ఫిల్మ్ జర్నలిస్ట్ లతో పాటు వారి కుటుంబ సభ్యుల కోసం హెల్త్ కార్డ్స్ ను ఇప్పించారు. అసోసియేషన్ లోని సభ్యుల సమస్యల కోసం నిరంతరం ప్రత్యేక శ్రద్ధ చూపిస్తోందీ సంస్థ. ఫిల్మ్ జర్నలిస్ట్ ల కోసం నిజాయితీగా పనిచేస్తోన్న ఫిల్మ్ న్యూస్ క్యాస్టర్స్ అసోసియేషన్ ఆఫ్ ఎలక్ట్రానిక్ మీడియా బృందాన్ని మెగాస్టార్ చిరంజీవిగారు తన ఇంటికి ప్రత్యేకంగా ఆహ్వానించి అభినందించారు. అంతే కాకుండా ఈ సంస్థ కోసం కొంత ఆర్థిక సాయాన్ని కూడా చేసి తన పెద్ద మనసును మరోసారి చాటుకున్నారు. ఈ సందర్భంగా తన ఇంటికి వచ్చిన ఫిల్మ్ న్యూస్ క్యాస్టర్స్ అసోసియేషన్ బృందంతో గంటకు పైగా చర్చలు జరిపారు. భవిష్యత్ లో ఈ ఆర్గనైజేషన్ వేసే ప్రతి అడుగులో అండగా ఉంటానని హామీ ఇచ్చారు. ఇంటికి పిలిచి మరీ సాయం చేసిన మెగాస్టార్ కు ఫిల్మ్ జర్నలిస్ట్ యూనియన్ సభ్యులు కృతజ్ఞతలు తెలియజేశారు.

Recommended For You

Leave a Reply

Your email address will not be published. Required fields are marked *