Top

Tea.. కప్పు టీ రూ.1000.. కార్లలో వచ్చి మరి క్యూ కడుతున్న జనం!

Tea.. బడ్డీలో అంత రేటు పెట్టి టీ ఎందుకు తాగుతారులే అనుకోవద్దు..ఎందుకంటే ఈ టీ కోసం జనాలు కార్లలో వచ్చి మరి లైన్లు కడతారు.

Tea.. కప్పు టీ రూ.1000.. కార్లలో వచ్చి మరి క్యూ కడుతున్న జనం!
X

Cup Tea 1000 rs 

అందులో టీ ఆకులు వేస్తారా లేక బంగారం రేకులు వేస్తారా.. ఎందుకు బాబు అంత రేటు.. పోనీ తాగితే ఏమైనా కిక్కొస్తుందా.. మామూలుగా రూ.10, రూ.20లు తెలుసు.. పోనీ బాగా రుచిగా ఉందంటే ఓ వంద రూపాయలు వేసుకో.. అంతేగానీ మరీ వెయ్యి రూపాయలు ఏంటి బాస్.. అదీ ఏ స్టార్ హోటల్‌లోనో అనుకుంటే పొరపాటే.. రద్దీగా ఉండే కలకత్తా నగరంలోని ఓ గల్లీ. ఆ వీధిలో ఓ చిన్న బడ్డీ కొట్టు. అవును ఫైవ్ స్టార్ హోటల్ తరహాలో 'టీ' కి ఉండే రేటు.. ఈ చిన్న బడ్డీ కొట్టులో ఉంది.


అయినా ఈ చిన్న బడ్డీలో అంత రేటు పెట్టి టీ ఎందుకు తాగుతారులే అనుకోవద్దు.. ఎందుకంటే ఈ టీ కోసం జనాలు కార్లలో వచ్చి మరి లైన్లు కడతారు. మరి ఈ టీ అంత ఖరీదు ఎందుకంటే.. ఈ టీ పొడి కిలో ధర రూ.3 లక్షలు వరకు ఉంటుంది. అందుకే.. కప్పు టీ ధర అంత రేటు పలుకుతోంది. దీని పేరు 'బో-లే టీ'.


వెస్ట్ బెంగాల్‌లో పార్థ ప్రతీమ్ గంగూలీ అనే వ్యక్తి ఈ టీ స్టాల్‌ను నడుపుతున్నారు. ముకుందపూర్‌లో ఉన్న ఈ టీ స్టాల్‌లో.. సిల్వర్ నీడిల్ వైట్ టీ, లావెండర్ టీ, మందార టీ, వైన్ టీ, తులసీ అల్లం టీ, బ్లూ టిసానే టీ, టీస్టా వ్యాలీ టీ, మకైబరీ టీ, రూబీయోస్ టీ, ఓకేటీ టీ వంటి వంద రకాల టీలు లభిస్తాయి. ఈ టీస్టాల్ యజమాని గంగూలీ.. 2014లో ఉద్యోగానికి రాజీనామా చేసి ఈ టీస్టాల్ ప్రారంభించారు. అప్పటి నుంచి రకరకాల టీలతో కస్టమర్లను ఆకట్టుకుంటున్నాడు. టీ మాత్రమే కాకుండా ప్రపంచంలో దొరికే రకరకలా టీ పొడిలను కూడా ఇక్కడే విక్రయిస్తున్నాడు. మరి మీరు ఎప్పుడైనా ఆ ప్రాంతానికి వెళ్లినప్పుడు తప్పకుండా 'బో-లే టీ' ఒకసారి రుచి చూసి రండి.

ALSO WATCH : కర్ణాటక మంత్రి రాసలీలల వీడియో కలకలం


Next Story

RELATED STORIES