Top

ఇది గొర్రెకాదు 'డబుల్ డైమండ్'.. అందుకే రేటు కోట్లలో..

జీడిపప్పులు, బాదాం పప్పులు తిని బాగా బలిష్టంగా తయారైన గొర్రెలకు మార్కెట్లో డిమాండ్ బాగానే ఉంటుంది.

ఇది గొర్రెకాదు డబుల్ డైమండ్.. అందుకే రేటు కోట్లలో..
X

జీడిపప్పులు, బాదాం పప్పులు తిని బాగా బలిష్టంగా తయారైన గొర్రెలకు మార్కెట్లో డిమాండ్ బాగానే ఉంటుంది. మరి ఈ గొర్రె ఏం తిందో.. దాని యాజమాని ఆ గొర్రెకు స్పెషల్ గా ఏం ఫుడ్డు పెట్టారో కాని ప్రపంచంలోనే అత్యధిక ధరకు అమ్ముడు పోయింది. ఇంతకీ దాని ధర ఎంతో తెలుసా.. అక్షరాలా 3కోట్ల 75 లక్షలు. మరి ఎక్కడ ఉందీ ఈ డబుల్ డైమండ్ గొర్రె అంటే.. నెదర్లాండ్స్ లోని టెక్సెల్ లో గొర్రెల పరిశ్రమ ఉంది. ఇక్కడి గొర్రెలకు ఉత్తమ జాతి గొర్రెలుగా పేరు వచ్చింది. జన్యుపరంగా ఉత్తమమైన గొర్రెగా పేరుతెచ్చుకున్న ఈ గొర్రెను వేలంలో పెట్టారు. అంత రేటైనా దీనిని సొంతం చేసుకోవాలని యూకే రైతులు పోటీపడ్డారు. ఓ ముగ్గురు రైతులు కలిసి ఈ గొర్రెను రూ.3కోట్ల 75లక్షల 78వేల 379లకు సొంతం చేసుకున్నారు. గతంలో కూడా ఓ గొర్రెను ఇక్కడి మార్కెట్లో 2కోట్ల 24లక్షలకు అమ్మారట. ఇప్పుడు ఈ నెలల వయసున్న డబుల్ డైమండ్ మరి కొంత పెరిగిన తరువాత దాని వీర్యం సేకరించి కృత్రిమ గర్భధారణతో ఈ జాతి గొర్రెలను మరిన్ని సృష్టించాలని రైతులు భావిస్తున్నారట. కోట్లు కురిపిస్తున్న గొర్రె కదా.. ఆ మాత్రం ఆశ ఉండకపోతే ఎలా.

Next Story

RELATED STORIES