Top

వచ్చేనెల చివరిలో వ్యాక్సిన్ వచ్చేస్తుంది రెడీగా ఉండండి..: సిడిసి

కరోనా మహమ్మారిని నిర్మూలించేందుకు వ్యాక్సిన్‌ ని సిద్ధం చేసింది యుఎస్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్..

వచ్చేనెల చివరిలో వ్యాక్సిన్ వచ్చేస్తుంది రెడీగా ఉండండి..: సిడిసి
X

అక్టోబర్ చివరి వారంలో ప్రపంచాన్ని పట్టి పీడిస్తున్న కరోనా వైరస్ కు వ్యాక్సిన్‌ను పంపిణీ చేయడానికి సిద్ధం కావాలని యుఎస్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సిడిసి) రాష్ట్ర ప్రజారోగ్య అధికారులను కోరింది. 1,80,000 మంది అమెరికన్లను పొట్టనపెట్టుకున్న కోవిడ్ ను నివారించేందుకు వ్యాక్సిన్‌ను అభివృద్ధికి బిలియన్ డాలర్లను వెచ్చింది ప్రభుత్వం. అమెరికా అధ్యక్షుడు డొనాల్డ్ ట్రంప్ నవంబర్‌లో తిరిగి ఎన్నిక కావాలని కోరుకుంటున్నందున, టీకా యొక్క సమయం రాజకీయ ప్రాముఖ్యతను సంతరించుకుంది. సిడిసి మొత్తం 50 రాష్ట్రాలు మరియు ఐదు పెద్ద నగరాల్లోని అధికారులను వ్యాక్సిన్ పంపిణీ కొరకు సంప్రదించినట్లు న్యూయార్క్ టైమ్స్ గతంలో పేర్కొంది.

కోవిడ్ వ్యాక్సిన్ ట్రయల్స్‌లో రోగుల నమోదు రేటు ఆధారంగా, వ్యాక్సిన్ సమర్థవంతమైనదని నవంబర్ లేదా డిసెంబర్ నాటికి తెలుస్తుందని అంటు వ్యాధి నిపుణుడు ఆంథోనీ ఫౌసీ బుధవారం తెలిపారు. ఆరోగ్య సంరక్షణ కార్మికులు, జాతీయ భద్రతా సిబ్బంది, నర్సింగ్ హోమ్ సిబ్బందితో సహా అధిక-ప్రమాద సమూహాలకు ఈ టీకాలు మొదట ఉచితంగా అందజేస్తామని ఏజెన్సీ తెలిపింది. వ్యాక్సిన్ పంపిణీకి సహకరించడానికి సిడిసి మెక్ సన్ కార్ప్‌తో ఇప్పటికే ఉన్న కాంట్రాక్ట్ ఒప్పందాన్ని అమలు చేస్తున్నట్లు యుఎస్ ఆరోగ్య విభాగం తెలిపింది. టీకా పంపిణీ కేంద్రాలను నిర్మించాలన్న మెక్కెస్సన్ యొక్క అభ్యర్థనలను వేగవంతం చేయాలని సిడిసి డైరెక్టర్ రాబర్ట్ రెడ్‌ఫీల్డ్ రాష్ట్ర గవర్నర్‌లను కోరారు.

Next Story

RELATED STORIES