సెమీస్‌పై ఆశలు పెంచుకున్న బంగ్లాదేశ్

ప్రపంచకప్‌లో బంగ్లాదేశ్‌ మరో విజయాన్ని అందుకుంది. ఆఫ్ఘనిస్థాన్‌తో జరిగిన మ్యాచ్‌లో 62 పరుగుల తేడాతో గెలిచింది. సెమీస్‌ రేసులో నిలవాలంటే గెలవాల్సిన మ్యాచ్‌లో బంగ్లా ఆల్‌రౌండ్ ప్రదర్శనతో ఆకట్టుకుంది. మొదట బ్యాటింగ్‌కు దిగిన ఆ జట్టు 262 పరుగులు చేసింది. షకీబుల్, ముష్ఫికర్‌ రహీమ్ హాఫ్ సెంచరీలతో రాణించారు. ఛేజింగ్‌లో ఆఫ్ఘనిస్థాన్ ఏమాత్రం పోటీ ఇవ్వలేకపోయింది. షకీబుల్ బంతితోనూ చెలరేగి ఐదు వికెట్లు పడగొట్టడంతో ఆప్ఘనిస్థాన్ 200 పరుగులకే ఆలౌటైంది. ఏడు మ్యాచ్‌లలో 3 విజయాలు సాధించిన బంగ్లా సెమీస్‌ ఆశలు నిలుపుకుంది.