అదీ రూలంటే.. హెల్మెట్ లేదా అయితే పెట్రోల్ కూడా లేదు..

మీ కోసమే తంబి చెప్పేది.. వినకపోతే ఎలా.. ప్రాణాలు పోతాయ్‌రా నాయనా.. ఎన్ని రూల్సు, ఎన్ని చట్టాలు.. ఎన్నెన్ని ఫైన్లు.. కొత్త మోటారు వాహన చట్టం వచ్చి ఫైన్ల మోత మోగిస్తుండేసరికి ఫైన్లు కట్టలేం మహాప్రభో అంటూ చేతులెత్తేస్తున్నారు చాలా మంది. ఈ నేపథ్యంలోనే ఈ చట్టం పట్ల ప్రజలకు అవగాహన కల్పించే దిశగా కర్ణాటక పోలీసులు వినూత్న ప్రయోగానికి శ్రీకారం చుడుతున్నారు. వాహనదారులు హెల్మెట్‌ను తప్పక ధరించే విధంగా ఓ సరికొత్త రూల్‌ని తీసుకువస్తున్నారు. హెల్మెట్ లేని వాహనదారుడికి పెట్రోల్ పోయకూడదని కలబురిగి పోలీసులు పెట్రోల్ బంకుల్లో ఆంక్షలు విధించనున్నారు. పోలీస్ కమీషనర్ నాగరాజు నో హెల్మెట్.. నో పెట్రోల్ విధానాన్ని అమలు చేయనున్నట్లు చెప్పారు. సెప్టెంబర్ 29 నుంచి ఈ నిబంధనను అమలు చేసేందుకు సిద్ధమయ్యారు. రోడ్డు ప్రమాదాలను అరికట్టేందుకే ఈ చర్యలు తీసుకుంటున్నట్లు ఆయన తెలిపారు.