వేధింపులకు మరో సాఫ్ట్‌వేర్‌ ఉద్యోగిని బలి

వేధింపులకు హైదరాబాద్‌లో మరో సాఫ్ట్‌వేర్‌ ఉద్యోగిని బలైపోయింది.. భర్త పెడుతున్న చిత్ర హింసలు భరించలేక అంబర్‌పేటలో శివానీ అనే మహిళ ఆత్మహత్య చేసుకుంది. ఐదేళ్ల క్రితం సుకీత్‌, శివానీ ప్రేమ వివాహం చేసుకున్నారు.. కొన్నాళ్లు కాపురం సాఫీగానే సాగినా.. ఆ తర్వాత శివానీపై వేధింపులు మొదలయ్యాయి.. మరో యువతితో ఎఫైర్‌ పెట్టుకున్న సుకీత్‌ నిత్యం శివానీని వేధిస్తున్నాడు.. చనిపోవాలంటూ చిత్రహింసలకు గురిచేశాడు..

భర్త వేధింపులు భరించలేక శివానీ ఉరివేసుకుని ప్రాణాలు తీసుకుంది.. ఆత్మహత్య చేసుకునే ముందు కుటుంబ సభ్యులకు ఫోన్‌ చేసి మాట్లాడింది.. ఆ తర్వాత కొద్దిసేపటికే ప్రాణాలు తీసుకుంది.. కూతురి మృతితో తల్లిదండ్రులు కన్నీరు మున్నీరవుతున్నారు.. శివానీ ఆత్మహత్యపైనా అనుమానాలు వ్యక్తం చేస్తున్నారు.. సుకీత్‌, అతని కుటుంబ సభ్యులపై అంబర్‌పేట పోలీసులకు ఫిర్యాదు చేశారు.