బాలుడిపై నలుగురు యువకుల లైంగిక దాడి

కర్నూలు జిల్లా అవుకులో దారుణమైన ఘటన జరిగింది. ఓ బాలుడిపై నలుగురు యువకులు లైంగిక దాడి చేశారు. పైశాచికంగా దాన్ని వీడియో కూడా తీశారు. బాలుడు కేకలు వేసి గగ్గోలు పెడుతున్నా కూడా వదలకుండా వేధింపులకు గురి చేశారు. చివరకు బాలుడు అస్వస్థతకు గురి కావడంతో తల్లిదండ్రులు ఆరా తీస్తే ఈ ఘోరం బయటపడింది. లైంగికంగా వేధించిన నలుగురిపై పోలీసులకు ఫిర్యాదు చేయడంతో.. ఈ కీచక బ్యాచ్‌లో ఇద్దరిని అరెస్ట్ చేశారు. మరో ఇద్దరి కోసం గాలిస్తున్నారు. బాలుడిపై జరిగిన లైంగికదాడి ఘటన స్థానికంగా పెద్ద కలకలమే రేపింది.