చెన్నై ఎస్ఆర్ఎమ్ కాలేజీలో తెలుగు, తమిళ విద్యార్థుల మధ్య గ్యాంగ్ వార్

చెన్నై SRM కాలేజీలో... తెలుగు, తమిళ బీటెక్‌ విద్యార్థుల గ్యాంగ్‌ వార్‌ కలకలం రేపింది. ఒకరిపై మరొకరు కత్తులతో దాడులు చేసుకున్నారు. ఈ ఘటనలో ఐదుగురికి తీవ్ర గాయాలయ్యాయి. దీంతో ఒక్కసారి కాలేజీలో హై టెన్షన్‌ వాతావరణం ఏర్పడింది.

క్యాంటీన్‌ వద్ద జరిగిన ఈ ఘటనతో తోటి విద్యార్థులు షాక్‌కు గురయ్యారు. ఓ విద్యార్థి చేతిలో గన్‌ చూసి మరికొందరు విద్యార్థులు ప్రాణాలు అరచేతిలో పెట్టుకుని పారిపోయారు. ఏం జరుగుతుందో తెలియక కొందరు విద్యార్థులు తలోదిక్కుకు పరుగు తీశారు. సమాచారం అందుకున్న పోలీసులు.. స్టూడెంట్స్‌ను అదుపులోకి తీసుకుని విచారణ జరుపుతున్నారు.