ఒకే దేశం ఒకే పార్టీ: ఎమ్మెల్సీ మాధవ్

ఒకే దేశం ఒకే పార్టీ నినాదంతో.. ఏపీలో బీజేపీని బలోపేతం చేస్తామని ఆ పార్టీ ఎమ్మెల్సీ మాధవ్‌ అన్నారు. పార్వతీపురం బీజేపీ కార్యాలయంలో పండిత్‌ దీన్‌దయాళ్‌ ఉపాధ్యాయ వర్ధంతి కార్యక్రమానికి ఆయన హాజరయ్యారు. ఈ సందర్భంగా ప్రసంగించిన మాధవ్‌.. జనసేనతో కలిసి స్థానిక సంస్థల ఎన్నికల్లో పోటీ చేస్తామన్నారు. రాష్ట్రంలో ఉండే పార్టీలన్నీ కుటుంబపార్టీలని, వ్యాపార లావాదేవీల దృక్పథంతో పనిచేస్తున్నాయన్నారు. గత టీడీపీ ప్రభుత్వం రాజధాని పేరిట వ్యాపారం చేసిందన్నారు. దీనిపై విచారణ చేయాలని డిమాండ్‌ చేశారాయన.