స్త్రీ, పురుషుడు కలిస్తే వివాహం జరిగినట్లే

స్వలింగ వివాహం నిషేధించే రాజ్యాంగ సవరణను రష్యా అధ్యక్షుడు వ్లాదిమిర్ వి. పుతిన్ ప్రతిపాదించారు. ఇందులో భాగంగా స్త్రీ, పురుషుల ఇష్ట ప్రకారం శారీరకంగా కలిస్తే.. అధికారికంగా పెళ్లి జరిగినట్లే అని ఆ దేశ రాజ్యాంగం గుర్తించనుంది. ఈ మేరకు ర‌ష్యా త‌న రాజ్యాంగంలో కొత్త స‌వ‌ర‌ణ తీసుకురానుంది. ఇందుకు సంబంధించి ఇప్పటికే రాజ్యాంగ సవరణల నేపథ్యంలో దేశ అధ్యక్షుడు వ్లాదిమీర్‌ పుతిన్‌ 24 పేజీల స‌వ‌ర‌ణ‌ల‌ను పార్లమెంట్‌కు స‌మ‌ర్పించారు. స‌మాజంలోని అన్ని వ‌ర్గాల‌తో చ‌ర్చలు జ‌రిపిన త‌ర్వాతే ఈ మార్పుల‌కు శ్రీకారం చుట్టిన‌ట్లు రష్యా తెలిపింది. ఈ సవరణ గనక ఆమోదం పొందితే ఏ దేశంలో లేని వివాహ విధానం రష్యాలో అమల్లోకి వచ్చినట్టవుతుంది.