ఏపీలో కరోనావైరస్ విజృంభణ.. 87కు చేరిన కేసుల సంఖ్య

ఏపీలో కరోనావైరస్ విజృంభణ కొనసాగుతోంది పెరుగుతున్నాయి. ప్రస్తుతం ఏపీలో పాజిటివ్ కేసుల సంఖ్య 87 కు చేరుకుంది. నిన్న రాత్రి 9 గంటల నుంచి ఇవాళ ఉదయం 9 గంటల వరకూ 43 కొత్త కేసులు నమోదు అయ్యాయి. అత్యధికంగా కడప, ప్రకాశం జిల్లాల్లో 15 కేసుల చొప్పున నమోదు అయ్యాయి. పశ్చిమ గోదావరి జిల్లాలో 13 పాజిటివ్ కేసులు నమోదయ్యాయి. ఇందులో ఏలూరులో 6 , భీమవరంలో 2 , పెనుకొండలో 2 , ఉండి గుండిగోలులో ఒక్కొక్క కేసు నమోదైనట్టు కలెక్టర్ చెప్పారు.

జిల్లాలో మొత్తం 30 మందికి కరోనా పరీక్షలు నిర్వహించగా 12 మందికి పాజిటివ్, 10 నెగెటివ్ రిపోర్టులు వచ్చాయి. ఇంకా 6 నివేదికలు రావాల్సి ఉందని అంటున్నారు అధికారులు. అటు విశాఖ జిల్లాలోనూ కొత్తగా నాలుగు కరోనా పాజిటివ్ కేసులు నమోదయ్యాయి. వీరంతా కూడా మర్కజ్ సదస్సులో పాల్గొన్నట్టు అధికారులు గుర్తించారు. శాంతినగర్ కు చెందిన 51 ఏళ్ల వ్యక్తికి పాజిటివ్ నమోదు కాగా అక్కయ్యపాలెంలో ఇద్దరికి పాజిటివ్ వచ్చినట్లు వైద్యులు తెలిపారు. iti జంక్షన్ కు చెందిన 41 ఏళ్ల వ్యక్తికి కరోనా పాజిటివ్ వచ్చినట్లు నిర్ధారణ అయింది. దీంతో ఏపీలో ఇప్పటివరకు కరోనా సోకిన బాధితుల సంఖ్య 87 కు చేరింది.