ఆర్డినెన్స్‌కు రాష్ట్రపతి ఆమోద ముద్ర..

ఆరోగ్య కార్యకర్తలపై దాడులకు పాల్పడిన వారిని కఠినంగా శిక్షించేందుకు వీలుగా కేంద్ర ప్రభుత్వం తెచ్చిన ఆర్డినెన్స్ కు రాష్ట్రపతి రామ్ నాథ్ కోవింద్ ఆమోదం తెలిపారు. వెంటనే గెజిట్‌ నోటిఫికేషన్ కూడా‌ విడుదల చేశారు. దీంతో తక్షణమే ఈ ఆర్డినెన్స్ అమల్లోకి వచ్చింది. దీని ప్రకారం మామూలు దాడులకు రూ. 50 వేల నుంచి రూ. 2 లక్షల వరకు జరిమానా లేదా మూడు నెలల నుంచి ఐదేళ్ల వరకు జైలు శిక్ష ఉంటుంది. తీవ్ర దాడి జరిగి, బాధితులకు గాయాలు అయితే గరిష్టంగా ఏడేళ్ల వరకు జైలు శిక్ష, రూ. 5 లక్షల వరకు జరిమానా ఉంటుంది.