సామాజిక దూరం కోసం బైక్‌ను తయారు చేశాడు..

కరోనా మహమ్మారి లింక్ తెంచాలి అంటే సామాజిక దూరం పాటించాలి అన్నది అందరికి తెలిసిన విషయం.. ప్రపంచంలోని అన్ని దేశాల ప్రజలు సామజిక దూరాన్ని ఖచ్చితంగా పాటిస్తున్నారు. అయితే వాహనాల్లో ఇది కుదరదు.. అందుకే ఓ వ్యక్తి ఆ దిశగా అలోచించి.. సామాజిక దూరం పాటించేలా ఓ ఎలక్ట్రిక్ బైక్ ను తయారు చేశాడు.. అతని పేరు పార్థ సాహా.. ఊరు త్రిపుర రాజధాని అగర్తాల..

కరోనా దృష్ట్యా ప్రయాణాలు చేసేటప్పుడు సామాజిక దూరం పాటించాలన్న లక్ష్యంతో ఈప్రత్యేకమైన ఎలక్ట్రిక్ బైక్‌ను తయారు చేశారు.. దీనిమీద ఇద్దరు కూర్చువచ్చు. 2 సీట్లకు మధ్య సుమారు మీటరున్నరు దూరం ఉంటుంది. దీనికి 'కోవిడ్ -19 బైక్' అని పేరు కూడా పెట్టారు. లాక్డౌన్ ముగిసిన తర్వాత పాఠశాలలు తెరవగానే ఈ బైక్ ద్వారానే తన కుమార్తెను పాఠశాలకు తీసుకువెళతానని చెప్పారు. కరోనా రాకుండా ఉండాలనే ఉంద్ద్యేశంతో తాను ఈ బైక్ ను తయారు చేసానని అన్నారు.