తూర్పు లద్దాఖ్ లో భారత్, చైనా మధ్య కొనసాగుతున్న ఉద్రిక్తతలు

తూర్పు లద్దాఖ్ లో భారత్, చైనా మధ్య ఉద్రిక్తతలు కొనసాగుతున్నాయి. చైనా తన సైన్యాన్ని భారీఎత్తున పెంచడంతో, భారత్ కూడా సమాన సంఖ్యలో దళాలను మోహరించాలని నిర్ణయించింది. లైన్ ఆఫ్ యాక్చువల్ కంట్రోల్ (ఎల్ఐసి) పై పరిస్థితిని చూస్తే, ఇరు శక్తులు ఇక్కడ ఎక్కువ కాలం ఉండటానికి సన్నాహాలు చేస్తున్నట్లు తెలుస్తోంది. ఉద్రిక్తతలను తగ్గించడానికి ఇరు దేశాలు కూడా దౌత్య ప్రయత్నాలను ప్రారంభించాయి. ఏజెన్సీ వార్తల ప్రకారం, ఇటీవల ఆర్మీ కమాండర్ల సమావేశం జరిగింది. ఈ సమావేశంలో, చైనా యొక్క ఒత్తిడి వ్యూహాన్ని పరిష్కరించే చర్యలపై చర్చించారు. అలాగే చైనా నుండి పెరుగుతున్న దళాల సంఖ్య దృష్ట్యా, భారతదేశం కూడా దళాలను పెంచాలని నిర్ణయించింది.

ఇందులో భాగంగా భారతదేశం తూర్పు లద్దాఖ్ ‌లో సైన్యాన్ని పెంచింది. కాగా మే 5, 6 తేదీల్లో లద్దాఖ్ లోని పాంగోంగ్‌లో భారతీయ, చైనా సైనికుల మధ్య ఉద్రిక్తత నెలకొంది. లద్దాఖ్ ‌లో భారత, చైనా సైన్యాలు ముఖాముఖికి తలపెడితే, అది 2017 డోక్లాం వివాదం తరువాత అతిపెద్ద వివాదం అవుతుందని ఇరుదేశాలు భావిస్తున్నాయి.. 2017 జూన్ 16 నుంచి 28 ఆగస్టు మధ్య డోక్లాం ప్రాంతంలో ఇరు దేశాల మధ్య ఘర్షణ జరిగింది. అప్పట్లో పరిస్థితులు చాలా ఉద్రిక్తంగా మారాయి.