కొలంబస్ విగ్రహాన్ని చెరువులో పడేసిన నిరసనకారులు

అమెరికాలో నల్లజాతీయుల ఆగ్రహాజ్వాలలు ఇంకా చల్లార లేదు. ఫ్లాయిడ్‌ మృతిపై ఆందోళనలు జరుగుతూనే ఉన్నాయి. వర్జీనియాలోని రిచ్‌మండ్‌లో ఉన్న క్రిస్టఫర్‌ కొలంబస్‌ విగ్రహాన్ని నిరసనకారులు ధ్వంసం చేశారు. బర్డ్‌ పార్క్‌లో ఉన్న కొలంబస్ విగ్రహాన్ని ధ్వంసం చేసి, నిప్పు పెట్టారు. ఆ తర్వాత కొలంబస్‌ విగ్రహాన్ని తాళ్ల సాయంతో కింద

పడేశారు. ఆ తర్వాత చెరువులో పారేశారు. జనరల్ విలియమ్స్ కార్టర్ విక్‌హామ్ విగ్రహాన్ని కూడా ఆందోళనకారులు ధ్వంసం చేశారు. ఆ విగ్రహాన్ని పగులగొట్టి మోన్రో పార్క్‌లో పడేశారు.