వికేంద్రీకరణ, CRDA రద్దు బిల్లులపై టీడీపీ నోటీసు

ఏపీ శాసనమండలి సమావేశాల్లో ఇవాళ్టి పరిణామాలు ఉత్కంఠ రేపుతున్నాయి. అసెంబ్లీలో ఆమోదించి మండలికి పంపిన వికేంద్రీకరణ బిల్లు, CRDA రద్దు బిల్లుపై టీడీపీ ఎమ్మెల్సీలు నోటీసు ఇచ్చారు. వీటిపై సభలో చర్చించకూడదని కోరుతూ రూల్ 90 కింద ఈ నోటీసు ఇచ్చారు. ఈ బిల్లులు గతంలోనే సెలక్ట్ కమిటీ ముందు ఉన్నాయని తెలుగుదేశం MLCలు నోటీసులో పేర్కొన్నారు. గతంలో ఈ బిల్లులను సెలక్ట్ కమిటీకి పంపినా.. సెక్రటరీ దానికి అనుగుణంగా వ్యవహరించలేదనేది TDP వాదన. పరిస్థితులకు అనుగుణంగా నిర్ణయం తీసుకునే అధికారం శాసన మండలి ఛైర్మన్‌కు ఉందని నోటీసులో పేర్కొన్నారు. ఈ బిల్లులను సెలక్ట్ కమిటీకే పంపాలని కోరారు. టీడీపీ ఇచ్చిన నోటీస్ నేపథ్యంలో మండలిలో ఏం జరుగుతుందని అనేదిప్పుడు ఆసక్తికరంగా మారింది.