ఢిల్లీలో ఉరుములు , మెరుపులతో కూడిన భారీ వర్షం

ఆదివారం తెల్లవారుజామున ఢిల్లీ తోపాటు జాతీయ రాజధాని పరిసర ప్రాంతాలలో భారీ వర్షాలు కురిశాయి.ఈ విషయాన్నీ భారత వాతావరణ శాఖ తెలిపింది. ఇక్కడ ఉరుములు , మెరుపులతో కూడిన భారీ వర్షం కురిసిందని..ఆదివారం తెల్లవారుజామునుంచి ఇది మొదలైందని పేర్కొంది. కాగా గత వారం రోజులుగా ఢిల్లీలో తీవ్రమైన వేడి వాతావరణం ఉంది. ఈ క్రమంలో వర్షాలు కురవడంతో చల్లటివాతావరణం ఏర్పడింది. దేశ రాజధానిలో గరిష్ట ఉష్ణోగ్రత శనివారం 39.8 డిగ్రీల సెల్సియస్‌కు పెరిగిందని ఐఎండి తెలిపింది. అయితే, ఆదివారం, గరిష్ట ఉష్ణోగ్రత 36 డిగ్రీల సెల్సియస్‌కు పడిపోయే అవకాశం ఉందని వాతావరణ శాఖ అంచనా వేసింది.