టీవీ5 ఛానల్ చేతులు మారుతుందని చేస్తున్న ప్రచారం అవాస్తవం

ఒక ప్రైవేటు వెబ్ వార్త మరియు ఎంటర్టైన్మెంట్ ఛానల్ కొంతకాలంగా టీవీ5 మీద అబద్ధపు ప్రచారం చేస్తోంది. టీవీ5 తెలుగు న్యూస్ ఛానల్ త్వరలో చేతులు మారుతున్నట్లు ప్రచురించింది. మా ప్రేక్షకులకు తెలియజేస్తున్నది ఏమిటంటే ఈ ప్రచారం పూర్తిగా సత్యదూరం.. దురుద్దేశపూరితమైంది. నకిలీ వార్తలు ప్రచారం చేస్తూ టీవీ5 ప్రతిష్టను దిగజార్చేందుకు కట్టుకథలు అల్లుతున్నారు. ఇక్కడ మేము ఒకటే స్పష్టం చేయదలుచుకున్నాం..

ఆ వెబ్ ఛానల్ ప్రచారం చేస్తున్న వార్తలలో లేశమాత్రమైన నిజం లేదు. అంతేకాదు సదరు వెబ్ ఛానల్ మీద చట్టపరమైన చర్యలు తీసుకోవడానికి ముందుకు వెళుతున్నాం. ఇకముందు ఎవరూ.. వ్యక్తి లేదా సంస్థ గురించి అబద్ధపు వార్తలు ప్రచారం చెయ్యకుండా ఆ వెబ్ ఛానల్ మీద మేము తీసుకోబోయే చట్టబద్ధమైన చర్య ముందడుగవుతుంది. - అడ్వకేట్ పీవీజీ ఉమేష్ చంద్ర